«Durnica skončyłasia». Łukašenka daručyŭ navieści ŭ APK Viciebskaj vobłaści žalezny paradak
«Niachaj źbiaruć tam miechanizataraŭ, dajarak i inšych. I da 1 studzienia ŭsio, što ŭ vas jość, vylizana, vyčyščana».
Łukašenka daručyŭ da 1 studzienia navieści ŭ APK Viciebskaj vobłaści žalezny paradak. Pra heta jon zajaviŭ na naradzie ŭ Viciebsku, paviedamlaje BiełTA.
«Ja nie pryjechaŭ u Viciebskuju vobłaść, kab vas zapałochać. My z vami 30 hadoŭ pracujem, vy viedajecie maje padychody. Kali vy mianie nie zrazumieli, padmanuli — usio budzie ŭzmocniena da miažy», — zajaviŭ jon.
Alaksandr Łukašenka paraiŭ schiemu, pavodle jakoj treba dziejničać na roznych uzroŭniach: «Paśla siońniašniaj sustrečy staršyni rajvykankamaŭ paklikali hałoŭnych śpiecyjalistaŭ i kiraŭnikoŭ, daviali im hetu žorstkuju razmovu. Dali im da 7 listapada termin — u vas bolš niama — navieści žalezny paradak u haspadarkach. Jany — kiraŭniki i śpiecyjalisty — niachaj źbiaruć tam miechanizataraŭ, dajarak i inšych. I da 1 studzienia ŭsio, što ŭ vas jość, vylizana, vyčyščana».
Kali dzieści ŭ haspadarkach jość niastača kadraŭ dla hetaha, to daručyŭ pryciahvać šefskuju dapamohu inšych pradpryjemstvaŭ. «Ludzi pryjechali, zrabili, adnavili», — skazaŭ jon.
«Usio, mužyki. Durnica skončyłasia», — papiaredziŭ Alaksandr Łukašenka.
Jon u čarhovy raz adznačyŭ, što choča zachavać vioski.
Pavodle infarmacyi KDK, zahruzka mahutnaściaŭ małakapierapracoŭčych pradpryjemstvaŭ Viciebskaj vobłaści ŭ 2025 hodzie składaje krychu bolš za 60%. Pa miasie — mienš za pałovu — 49%.
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary