U Telegram pačali rekłamavać prykładańnie Telega, ale jaho stvaryli ŭ Rasii
Na aficyjnaj rekłamnaj płatformie Telegram źjaviłasia rekłama prykładańnia Telega — jaho pazicyjanujuć jak alternatyvu aficyjnamu klijentu miesiendžara ŭ Rasii: stvaralniki abiacajuć «pracu biez abmiežavańniaŭ» i mahčymaść telefanavać biez VPN. Jak vyśvietliła «Ahienctva», stvaralniki Telega raniej raspracoŭvali videaservis z «Ukantakcie».
Pieršaja viersija prykładańnia nazyvałasia «Dal» i vyjšła ŭ AppStore u lutym, u RuStore i Google Play — u krasaviku. U vieraśni «Dal» pierajmienavali ŭ Telega. Zhodna sa statystykaj Google Play i RuStore, Telega spampavali bolš za 130 tysiač razoŭ (u AppStore infarmacyi ab kolkaści spampovak niama).
Raspracoŭščyk klijenta Telegram Catogram (piša pad nikam iTaysonLab) raspavioŭ «Ahienctvu», što «100% infrastruktury» Telega stvoranyja «na bazie VK». Da takoj vysnovy jon pryjšoŭ, analizujučy APK-fajł prykładańnia. Proksi-adras Telega viadzie na ŭnutrany damien VK — dal.mvk.com, śćviardžaje prahramist.
Zvanki ŭ Telega prachodziać praz tuju ž infrastrukturu, što i ŭ rasijskaha miesiendžara Max (calls.okcdn.ru), skazaŭ jon. API-kluč, znojdzieny ŭ kodzie, — słužbovy kluč dla servisaŭ VK, jaki vykarystoŭvajecca ŭnutranymi sistemami karparacyi i nie vydajecca inšym karystalnikam i raspracoŭščykam.
Aŭtaryzacyja ŭ servisie adbyvajecca praz čat-bot i SMS. Za košt hetaha prykładańnie atrymlivaje nik karystalnika, IP, numar telefona, movu, čas siesii, i mahčymaść sačyć pa mietadanych, chto z kim i kali maje znosiny.
Raspracoŭščyk Catogram taksama vyjaviŭ u kodzie funkcyju «čornaha śpisu» kanałaŭ, botaŭ i karystalnikaŭ, jakaja aktyvujecca na sierviery prykładańnia.
Z vysnovami iTaysonLab pahadzilisia IT-ekśpiert Michaił Klimaraŭ, kibieradvakat Sarkis Darbinian i jašče adzin ekśpiert u IT-śfiery.
U adkaz na zapyt «Ahienctva» u Telega paviedamili, što «nie ŭdzielničajuć u prajektach VK». Paviedamleńni i źviestki, sa słoŭ stvaralnikaŭ prajekta, «apracoŭvajucca na baku Telegram u adpaviednaści ź jaho pratakołami». «Ahienctva» u niadzielu nakiravała zapyt Telegram.
Raspracoŭščykam prykładańnia Telega u AppStore paznačany «Technałohii karystalnickich kamunikacyj». Jaho saŭładalniki — Alaksandr Śmirnoŭ, Fanis Sadykaŭ i jaho žonka Enže. U lutym 2025 hoda kampaniju kupiła AT «Dal» (paznačana raspracoŭščykam u RuStore i GooglePlay). Bienieficyjary «Dali» nie raskryvajucca, hiendyrektaram ukazany Śmirnoŭ.
34‑hadovy Śmirnoŭ i 34‑hadovy Sadykaŭ paznajomilisia ŭ 2013‑m na forumie «Sielihier», a paźniej pačali raźvivać startap Śmirnova pa pošuku mierapryjemstvaŭ Relax Up.
U 2015‑m Śmirnoŭ i Sadykaŭ, pa ich słovach, raspracavali videaservis Movika. U 2021‑m kantrolny pakiet «Technałohij interaktyŭnaha videa», jakija kirujuć dadatkam, atrymała TAA «Ličbavyja aktyvy» (daččynaja kampanija «Śbiera»). U 2022 hodzie kantrolny pakiet Movika (87%) vykupiła VK Group.
Kali ŭ lipieni 2023 hoda VK adkryła svoj IT-chab u Kazani, Sadykaŭ na svajoj staroncy va «Ukantakcie» nazvaŭ heta «pryznańniem našaj pracy».
Pierad hetym Śmirnoŭ (u pieryjad z 23 studzienia pa 25 lutaha 2023 hoda) i Sadykaŭ (u pramiežku pamiž 24 lutaha i 8 maja) źmianili niki ŭ VK na trochznačnyja — z dlin na xan i z fanissadicov na fns. Sa słoŭ surazmoŭcy «Ahienctva» u IT-śfiery, takaja mahčymaść jość tolki ŭ supracoŭnikaŭ VK. Dla zvyčajnych karystalnikaŭ minimalnaja daŭžynia nika — piać simvałaŭ (akramia nikaŭ, zarehistravanych da 2010 hoda).
U 2024 hodzie VK całkam vykupiła Movika.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami23
Kamientary
VK - aŭtar "dziaržaŭnaha mesendžera" Max, jaki zaraz prymusova raspaŭsiudžvajecca ŭ Rasiei.
Kamanda, źviazanaja z VK, zapuściła novy kłon klijenta telehrama Telega (nazva skradziena ŭ klijenta dla Emacs), jaki abychodzić zabaronu na zvanki, bo robić ich nie tak, jak pryniata ŭ telehramie, a padobna Max'u.
Kamanda šmat prapłaciła telehramu (Duravu) za rekłamu ŭ ruskamoŭnych kanałach.
Hetaja Telega dadatkova kradzie danyja profilu (nik, numar telefona, ip) i zachoŭvaje ich u siabie (a nie tolki na siervierach telehrama). Kod klijentckaj prahramy nie vykłali.
Heta, a taksama inšyja fokusy parušajuć praviły telehrama, ale Duraŭ pakul nie reahuje.
Jak razumieć: vyhladaje, što VK prydumaŭ, jak pieraciahnuć da siabie častku ruskamoŭnaj aŭdytoryi telehrama. Danyja profilu źbiraje dla dadatkovaha adsočvańnia za karystalnikami i mahčymaha manieŭru ŭ budučyni. Adnojčy moža prosta pieranieści "svaich" karystalnikaŭ, naprykład u Max. U ich źniknuć telehramnyja kanały i vialikija čaty, ale zastanucca piersanalnyja, pamiž karystalnikami hetaj Telega. Robicca praz typa niezaležnuju kamandu, kab kali što, adkinuć i skazać "heta nie naša, jany sami".
Duraŭ naŭrad ci častka płanu: navošta jamu hublać svaich ža karystalnikaŭ? Nie reahuje, bo pakul nie razabraŭsia (daśledavańnie pra Telega źjaviłasia 3 dni tamu), abo jamu zaraz chapaje šmat hrošaj ad rekłamy hetaj Telega.
Što budzie dalej, pahladzim.
Biełarusam, viadoma, leźci ŭ heta nie treba, navat kali vam patrebna telefanavać svajakam abo znajomym, jakija niešta tam robiać u Rasiei (pracujuć? chavajucca?).