Homielskija biblijateki zakuplajuć sotni novych knih — i nivodnaj pa-biełarusku
Dziaržpradpryjemstva «Sietka publičnych biblijatek horada Homiela» abviaściła elektronnyja aukcyjony na nabyćcio novych knih dla dziaciej i darosłych. Na zakupku ź biudžetu vydatkujuć zvyš 16,5 tysiač rubloŭ (bolš za 5,5 tysiač dalaraŭ). Vydańnie «Fłahštok» pahladzieła śpis knih u dakumientacyi tendaraŭ i nie znajšło ŭ im nivodnaj knihi na biełaruskaj movie. Pry hetym ahulnaja kolkaść usich vydańniaŭ — amal 1 tysiača.
Jakimi knihami chočuć papoŭnić biblijatečny fond u Homieli? Pieravažna, heta tvory rasijskich aŭtaraŭ, niekatoryja — zachodnich, takich jak Styvien Kinh, u pierakładzie na rasiejskuju movu.
Nabor dziciačych knih u zakupkach davoli standartny — savieckaja kłasika. Heta takija tvory, jak «Załaty klučyk, abo Pryhody Buracina», «Aleńkij ćvietočiek», «Ajbalit» i navat «Cimur i jaho kamanda». Zredku traplajucca zachodnija bestselery dla dziaciej: naprykład, «Maŭhli», «Maleńki prync».
Što tyčycca knih dla darosłych, to tut u trendzie sučasnyja rasijskija aŭtary — takija jak Hanna Małyšava. Śćviardžajecca, što jana byccam paśpieła vypuścić užo zvyš 40 ramanaŭ. Homielcam prapanujuć sieryju jaje knih «Avanturystka», jakaja vypuščanaja pad vyhladam histaryčnych ramanaŭ i miakka prasoŭvaje kaštoŭnaści «ruskaha śvietu».
Astatnija knihi — detektyvy, fentezi, bieletrystyka. Konkurs na pastaŭku knih vyjhrała minskaja pryvatnaja firma «BukŁajnHrup».
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary