U Małdovie za dva dni da vybaraŭ adchilili ad ich jašče adnu prarasijskuju partyju
Napiaredadni vybaraŭ u parłamient Małdovy, jakija adbuducca 28 vieraśnia, ułady krainy adchilili ad udziełu jašče adnu prarasijskuju palityčnuju siłu. Havorka idzie pra partyju Moldova Mare («Vialikaja Małdova»), jakoj kiruje Viktoryja Furtune.
Centrvybarkam Małdovy ŭ piatnicu pryniaŭ rašeńnie ab adchileńni «Vialikaj Małdovy» ad vybaraŭ, spasłaŭšysia na materyjały Słužby infarmacyi i biaśpieki, antykarupcyjnaha centra i palicyi. Partyju abvinavacili ŭ niezakonnym finansavańni, atrymańni zamiežnych srodkaŭ, padkupie vybarcaŭ i ŭ tym, što jana faktyčna ŭdzielničała ŭ zamaskavanym błoku, źviazanym z zabaronienaj u 2023 hodzie partyjaj «Šor».
Staršynia partyi Viktoryja Furtune letam užo trapiła pad sankcyi ES za suviazi z uciekačom-aliharcham Iłanam Šoram. Jana nazvała dziejańni CVK niezakonnymi i zajaviła pra namier abskardzić rašeńnie.
Raniej CVK taksama zabaraniŭ udzieł u vybarach inšaj prarasijskaj sile — partyi «Serca Małdovy», dziejnaść jakoj sud abmiežavaŭ na hod paśla rasśledavańniaŭ, źviazanych z padkupam vybarcaŭ, niezakonnym finansavańniem i admyvańniem hrošaj.
Takim čynam, z «Patryjatyčnaha błoka» ŭžo dźvie partyi nie dapuščanyja da vybaraŭ.
Prezidentka Małdovy Maja Sandu zajaviła, što hetyja vybary — «najvažniejšyja ŭ historyi krainy». Zachavańnie bolšaści partyjaj «Dziejańnie i salidarnaść» aznačaje praciah kursu na jeŭrapiejskuju intehracyju, a jaje strata moža adkryć šlach da viartańnia prarasijskich sił.
Ciapier čytajuć
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»39
Kamientary
Što ž tyčycca sprobaŭ nikomu raniej nieviadomych šmatlikich partyj i kandydataŭ ad Šora kštałtu Jaŭhienii Hucuł, jakija na kramloŭskija hrošy raptoŭna pavyskakvali u Małdovie, jaki čerci z tabakierki, to tut z boku śpiecsłužb Małdovy pakul nie było nivodnaha fakta chłuślivych abvinačavańniaŭ. U adroźnieńni da łukašenkaŭskaha KDB, jaki litaralna zapeckany ŭ chłuśni jašče z pačatku 2000ch. Darečy, kandydaty Šora mohuć abskardzić svaje adchileńnie ŭ sudzie, jaki u Małdovie, u adroźnieńni ad kišennych sudoŭ Łukašenki u Biełarusi, sapraŭdy vykonvaje pravasudźzie.