Cichanoŭskaja: Meta tyranii — prymusić vas błytać praŭdu i chłuśniu
Padčas vizitu ŭ ZŠA Śviatłana Cichanoŭskaja vystupiła ź lekcyjaj «Siła biazzbrojnych: supraciŭ tyranii ŭ Biełarusi» ŭ Čykahskim univiersitecie.
Štohadovaja lekcyja pryśviečanaja spadčynie Vacłava Havieła — letaś jaje davaŭ češki prezident Pieter Pavieł.
U svajoj lekcyi biełaruskaja lidarka ŭźniała temy kaštoŭnaści demakratyi, pošuku praŭdy i nadziei, jakaja dapamahaje vyžyvać u samych ciažkich umovach, paviedamlaje jaje pres-słužba.
Naprykancy pramovy Cichanoŭskaja źviarnułasia da ŭdzielnikaŭ:
«Pa-pieršaje, bieražycie toje, što majecie. Časta ludzi, jakija žyvuć u demakratyi, usprymajuć jaje jak niešta samo saboj zrazumiełaje. Ale ŭ takich krainach, jak Biełaruś, my viedajem jaje sapraŭdny košt — bo achviarujem usim dziela jaje.
Pa-druhoje, nie pierastavajcie šukać praŭdu. Nikoli nie pierastavajcie zadavać pytańni i vučycca. Zachoŭvajcie adkrytaść rozumu. Meta tyranii — prymusić vas błytać praŭdu i chłuśniu.
Pa-treciaje, nie hublajcie nadziei. Mahčyma, adnoj nadziei niedastatkova, ale mienavita jana trymaje na płavu ŭ ciažkija momanty.
Pa-čaćviortaje, słuchajcie nie tolki rozum, ale i serca. Empatyja, spahada i salidarnaść — heta najvialikšaja zvyšsiła.
Najbolšaja pahroza demakratyi — nie zaŭsiody hvałt. Časta heta strach, sumnievy, stomlenaść, strata nadziei. I prosta zabyćcio taho, chto my jość i za što staim.
Tamu siońnia, stojačy tut pad imiem Havieła, ja nie apłakvaju demakratyju. Ja adnaŭlaju vieru ŭ jaje. Biełaruski narod nie zdaŭsia. I śviet taksama nie pavinien zdavacca».
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4949
Kamientary
Byccam joj płaciać za kožnaje ŭžytaje słova "demakratyja". Duryć ludziam hołavu... Vuń u Turcyi niama demakratyi, ale ŭ jaje pavietranym prastory nie latajuć biezpakarana kožnuju noč varožyja drony i źniščalniki.