Pamior biełaruski akcior Alaksandr Łaŭrynovič, adzin z najstarejšych artystaŭ Homielskaha abłasnoha dramatyčnaha teatra. Pra jaho śmierć paviedamili na sajcie teatra. Jamu było 82 hady.
Paśla zakančeńnia Biełaruskaha dziaržaŭnaha teatralna-mastackaha instytuta ŭ 1968 hodzie jon pryjšoŭ u Homielski dramteatr i pryśviaciŭ jamu amal 60 hadoŭ. Na scenie syhraŭ dziasiatki rolaŭ, u apošni čas vychodziŭ u śpiektaklach «Niezamužniaja žančyna», «Drevy pamirajuć stojačy», «Vaša siastra i pałońnica», «Zabyć? Hierastrat…», «Vizit staroj damy», «Laciać žuraŭli», «Bulvar Sansiet». Časta ihraŭ razam z žonkaj — narodnaj artystkaj Biełarusi Ludmiłaj Korchavaj.
Alaksandr Łaŭrynavič taksama źniaŭsia ŭ kino — jaho možna ŭbačyć u adnym z epizodaŭ viadomaha rasijskaha sieryjała «Kamienskaja», jaki zdymaŭsia ŭ Biełarusi.
Raźvitańnie z artystam adbudziecca 10 vieraśnia z 10:00 da 11:00 u faje Homielskaha dramteatra, adpiavańnie projdzie ŭ 11:30 u sabory Piatra i Paŭła.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary