Aršanskaha prychilnika Zianona Paźniaka i demakratyčnych pieramien u rodnym horadzie nie stała 21 lipienia, ale pra hetuju sumnuju navinu stała viadoma tolki ciapier, piša «Viciebskaja viasna». Juryj Konyška pajšoŭ u lepšy śviet na 80-m hodzie žyćcia, pakinuŭšy pa sabie dobruju pamiać va ŭsich siabroŭ i blizkich.
U Oršy jon byŭ prykmietnaj asobaj. Invalid ź dziacinstva, jen zaŭvažna kulhaŭ i pierasoŭvaŭsia pieravažna na rovary. Šmat hadoŭ pracavaŭ kucharam, i da apošnich hod lubiŭ hety zaniatak. Pad svaimi voknami u zvyčajnym piacipaviarchoviku na ŭskrainie horada jon raźbiŭ maleńki harodčyk — bo na piensiju nadta dobra nie pražyvieš. Ale jak by ciažka ni było, Juryj Konyška zaŭsiody staviŭsia z aptymizmam da lubych vyprabavańniaŭ.
U 2017 hodzie, užo 73-hadovym piensijanieram, jon staŭ adnym z udzielnikaŭ aršanskaha Maršu niedarmajedaŭ. Za heta sud aštrafavaŭ Juryja Konyšku na 115 rubloŭ — na toj čas 5 bazavych vieličyń. Jašče raniej jaho sudzili za ŭdzieł u pikiecie z płakatam «Łukašyzm źniščaje Biełaruś».
Juryj Konyška byŭ adnym z samych pieršych udzielnikaŭ akcyj pamiaci pa ŭšanavańni achviaraŭ stalinskich represij na Kabylackaj hary, jakija pravodzilisia ŭ Oršy jašče z kanca 1980-ch.
U 2002 hodzie jon pa ŭłasnaj inicyjatyvie vyrašyŭ zaprasić na Dziady aršancaŭ praź miascovy telekanał «Skif». Jen zakazaŭ płatnuju abviestku i zapłaciŭ za heta svaje ŭłasnyja hrošy. Ale abviestku da efiru nie dapuścili: niahledziačy na toje, što telekampanija mieła niedziaržaŭny status, supracoŭniki patelefanavali ŭ vykankam i «parailisia» z uładami. U vykankamie, kaniešnie, zabaranili davać takuju abviestku. Stračanyja hrošy Konyšku daviałosia «vybivać» praz sud, i jon pieramoh. Hetaja historyja raźlaciełasia vielmi chutka, i pra miesca zabojstvaŭ biaźvinnych achviaraŭ daviedałasia ŭ šmat razoŭ bolej ziemlakoŭ, čym mahło ŭbačyć pa televizary…
Pra Juryja Konyšku možna raskazvać doŭha — jak jon na svaim rovary raspaŭsiudžvaŭ niezaležnyja vydańni, jak pryjazžaŭ na im na ŭračystaści z nahody Aršanskaj bitvy, jak udzielničaŭ praktyčna va ŭsich mierapryjemstvach, jakija ładziła aršanskaja demakratyčnaja supolnaść. Niachaj dobryja spravy hetaha pryncypovaha i advažnaha čałavieka zastanucca ŭ našaj pamiaci.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary