Pavieł Łatuška padaŭ pazoŭ u Akruhovy sud Varšavy ab abaronie honaru i hodnaści z chadajnictvam ab zabieśpiačeńni pazovu, paviedamiŭ palityk u svaim telehram-kanale.
U pazovie adkazčycy Volzie Karpušonak prapanujecca na praciahu čatyrnaccaci dzion z dnia ŭstupleńnia ŭ siłu rašeńnia suda, vyniesienaha pa dadzienaj spravie, apublikavać zamacavany post-abviaržeńnie ŭ fejsbuku, dzie byli raźmieščanyja iłžyvyja źviestki pra jaho, nastupnaha źmiestu:
«Ja, Volha Karpushonak, u vyniku prajhranaha pracesu, prašu prabačeńnia ŭ Paŭła Łatuški za parušeńnie jaho asabistych niemateryjalnych pravoŭ u vyhladzie hodnaści i dobraha imia praz publikacyju mnoj iłžyvaj infarmacyi pra jaho i raspaŭsiud hetaj iłžyvaj infarmacyi siarod asob, ź jakimi jon maje prafiesijnyja i palityčnyja kantakty. Pry hetym zajaŭlaju, što Pavieł Łatuška nikoli nie ździajśniaŭ u adnosinach da mianie supraćpraŭnych abo etyčna sumnieŭnych dziejańniaŭ, a maje dziejańni pa raspaŭsiudzie iłžyvaj infarmacyi byli nakiravanyja na jaho dyskredytacyju ŭ vačach hramadskaści», — paviedamiŭ Pavieł Łatuška.
Jon prapanuje Volzie Karpušonak, jakaja źjaŭlajecca advakatam, pravieści dadzienaje raźbiralnictva ŭ ramkach prapanavanaj sudovaj pracedury na terytoryi Polščy i zajaŭlaje, što budzie damahacca abarony svajho honaru i hodnaści ŭsimi mahčymymi pravavymi sposabami.
«Paŭtorna padkreślivaju, što ŭsie źviestki, raspaŭsiudžanyja Volzaj Karpušonak u adnosinach da mianie, źjaŭlajucca całkam iłžyvymi i paklopnickimi — ad pieršaj publikacyi i da ŭsich nastupnych.
Volha Karpušonak vykarystoŭvaje dadzieny padychod u intaresach śpiecsłužbaŭ režymu Łukašenki, kab dyskredytavać asabista mianie i demakratyčnyja instytuty. My praciahniem svaju baraćbu dziela dasiahnieńnia hałoŭnaj mety — źmianić hetuju žudasnuju situacyju ŭ našaj krainie, kali śpiecsłužby akazvajuć cisk na hramadzian Biełarusi z metaj dasiahnieńnia svaich złačynnych metaŭ.
Adnačasova ja nastojvaju na zabieśpiačeńni dadzienaha isku. U miežach zabieśpiačeńnia budu damahacca abmiežavańnia mahčymaściaŭ Volhi Karpušonak u publičnym raspaŭsiudzie paklopnickich źviestak u adnosinach da mianie» — zaznačyŭ Pavieł Łatuška.
***
30 žniŭnia delehatka Kaardynacyjnaj rady i pradstaŭnica ad demakratyčnaj Biełarusi ŭ Parłamienckaj asamblei Rady Jeŭropy Volha Karpušonak na svajoj staroncy ŭ fejsbuku abvinavaciła Paŭła Łatušku ŭ seksualnych damahańniach.
Pavieł Łatuška adchiliŭ hetyja abvinavačvańni. Ataku ž z boku Karpušonak jon ličyć vynikam dziejnaści śpiecsłužbaŭ režymu Łukašenki.
Paśla taho nieŭzabavie vyśvietliłasia, što Karpušonak pierabrałasia z Polščy spačatku ŭ Ispaniju, a paśla ŭ Braziliju.
Abjadnany pierachodny kabiniet staŭ na bok Paŭła Łatuški ŭ kanflikcie z Volhaj Karpušonak
U Kaardynacyjnaj radzie vyśvietlili, što Karpušonak z sakavika stała padazrona cikavicca, čym KR zajmajecca
Karpušonak pryznała, što pieramahčy Łatušku ŭ samoj saboj zadadzienym farmacie joj nie pa siłach
Volha Karpušonak dajšła ŭ svaich skarhach da Parłamienckaj asamblei Rady Jeŭropy
Łatuška: Zajava Karpušonak u palicyju Ispanii — poŭny pravavy absurd
«Łatuška, ty ŭlip pa poŭnaj». Pavieł Łatuška raskazaŭ pra novy list z pahrozami
Lavončyk: Sumniajusia, što Karpušonak kantraluje svoj akaŭnt. Heta abaroty z padručnika prapahandy
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
Reśpiekt i pavaha.
Možna było b źviartać niekalki mienš uvahi na kožny pusty nakid ad Volhi (abo praz Volhu).
Zamiest spraŭ idzie pieraklučeńnie na hetyja skandały. Mabyć, i taki vynik pažadany, jak minimum, tymi, chto zapłanavaŭ infaataku.
Tamu zamiest słoŭ "praciahniem baraćbu" było b karysna paralelna davać vyniki toj baraćby, jak by skandały skandałami, a "karavan idzie".