Pucin papiaredziŭ, što na Dalokim Uschodzie chutka nie budzie chapać hazu
Prezident Rasii Uładzimir Pucin zajaviŭ pra mahčymy deficyt hazu na Dalokim Uschodzie padčas naviedvańnia Uładzivastoka. Pavodle jaho słoŭ, prablema ŭźnikła paśla damovy ź Piekinam ab budaŭnictvie novaha hazapravoda ŭ Kitaj, jaki patrabuje značnaha pavieličeńnia pastavak z rehijonu. Dla vyrašeńnia prablemy deficytu płanujecca častkova pierajści na vykarystańnie vuhalu, piša «Ahientstvo».
Pucin adznačyŭ, što isnujuć i inšyja prablemy — adsutnaść złučeńnia pamiž kampanientami enierhietyčnaj infrastruktury i niedastatkovaja raźvitaść sietak. Pry hetym u Rasii jość vialikija zapasy vuhalu «vysokaha kłasa», jakich, pa jaho słovach, chopić «amal na tysiaču hadoŭ», i ich možna vykarystoŭvać bolš efiektyŭna jak bazavy enierhietyčny resurs.
Ministerstva enierhietyki Rasii jašče ŭ červieni prahnazavała deficyt hazu na Dalokim Uschodzie — da 2030 hoda jon moža skłaści kala 42%. Dla źmianšeńnia deficytu prapanavałasia pabudavać rehazafikacyjny kompleks na Kamčatcy, złučeńnie pamiž hazaprovodami «Siła Sibiry» i «Sachalin — Chabaraŭsk — Uładzivastok», a taksama raźvić hazatranspartnuju infrastrukturu ŭ Buracii i Zabajkalli pa prajekcie «Siła Sibiry — 2».
Niahledziačy na deficyt hazu ŭ rehijonie, Rasija damoviłasia z Kitajem ab pavieličeńni pastavak pa najaŭnym hazapravodzie «Siła Sibiry» z 38 da 44 miljardaŭ kubamietraŭ u hod i padpisała miemarandum ab budaŭnictvie novaha hazapravoda «Siła Sibiry — 2». Haz pastaŭlajecca z Čajandzinskaha i Kavykcinskaha radoviščaŭ, jakija taksama zabiaśpiečvajuć hazifikacyju Irkuckaj vobłaści, Jakucii i Dalokaha Uschodu. Analityki adznačajuć, što resursaŭ «Hazprama» moža nie chapić dla vykanańnia novych abaviazkaŭ pierad Kitajem.
Rasija i Kitaj damovilisia ab budaŭnictvie «Siły Sibiry — 2». Heta kančatkova pieraaryjentuje rasijski haz ź Jeŭropy ŭ Aziju
U Słavakiju znoŭ pačała pastupać nafta pa hazapravodzie «Družba»
Śledčyja ŭ Hiermanii vyznačyli asoby ŭsich padazravanych u padryvie «Paŭnočnych patokaŭ»
U Italii zatrymali padazravanaha ŭ dyviersii na «Paŭnočnych patokach» — hramadzianina Ukrainy
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci5
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary