Paśla začytanaha prakuroram abvinavaŭčaha zaklučeńnia troje z čatyroch vykanaŭcaŭ teraktu ŭ kancertnaj zale «Krokus Sici Choł» u rasijskim Padmaskoŭi całkam pryznali vinu, jašče adzin — častkova, paviedamlaje RBK.
Siońnia 2-hi Zachodni akruhovy vajskovy sud u vyjaznym farmacie ŭ budynku Masharsuda prystupiŭ da razhladu spravy pa sutnaści. Nieŭzabavie paśla pačatku pasiadžeńnia praces byŭ zakryty dla publiki pa chadajnictvie prakurora. Prakuror ukazaŭ, što isnuje realnaja pahroza dla ŭdzielnikaŭ pracesu, jakaja robić razhlad spravy ŭ adkrytym režymie niemahčymym.
Na łavie padsudnych znachodziacca 19 fihurantaŭ. Niepasrednymi vykanaŭcami teraktu śledstva ličyć hramadzian Tadžykistana Šamsidzina Faryduni, Dalerdžona Mirzojeva, Muchamadsabira Fajzava i Saidkrami Račabalizoda. Apošni paśla abvinavaŭčaha zaklučeńnia zajaviŭ, što pryznaje vinu častkova — u ŭdziele ŭ dziejnaści terarystyčnaj arhanizacyi, ale nie pahadziŭsia z abvinavačvańniem u ździajśnieńni teraktu.
U sakaviku 2024 hoda čaćviora bajevikoŭ, dziejničajučy ŭ składzie strukturnaha padraździaleńnia ID «Viłajat Charasan», arhanizavali i ździejśnili terarystyčnuju ataku ŭ kancertnaj zale ŭ Krasnahorsku. Uzbrojenyja aŭtamatami Kałašnikava i nažami, jany rasstrelvali naviedvalnikaŭ i ŭčynili padpał, paśla čaho sprabavali schavacca, ale byli zatrymanyja ŭ Branskaj vobłaści, jak śćviardžajecca, pry sprobie pierasiekčy miažu z Ukrainaj. U vyniku teraktu zahinuli 149 čałaviek.
Z materyjałaŭ spravy vynikaje, što napad byŭ spynieny z-za techničnych prablem sa zbrojaj — u bajevikoŭ zakliniła dva aŭtamaty, jašče adzin paźniej byŭ vykinuty pa darozie ŭ bok miažy.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ3
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj13
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4343
Kamientary