Amierykanskuju zorku Džejsana Deruła pryvieźli da Viktara Łukašenki
Dahetul śpiavak paśpieŭ pabyvać na viečarynie ŭ bary na Zybickaj i na ekskursii ŭ Domie ŭradu z Turčynym.
Amierykanskaha śpievaka Džejsana Deruła padčas jaho vizitu ŭ Biełaruś zavieźli da syna Łukašenki Viktara, jaki ŭznačalvaje Nacyjanalny alimpijski kamitet.
«Vy ŭ Biełarusi dobra viadomyja, dumaju, vy heta ŭžo adčuli. Vas lubić nie tolki moładź, ale i ludzi dosyć darosłyja znajomyja z vašaj tvorčaściu. Niahledziačy na papularnaść, vy prosty i prystojny čałaviek, heta vyklikaje prychilnaść. Sport, tvorčaść mastactva… Zdajecca, što tut ahulnaha? Ale heta i jość narodnaja dypłamatyja. Artyst vašaha ŭzroŭniu dziakujučy ŭpłyvu ŭ sacyjalnych sietkach moža abjektyŭna raskazać i pra našu krainu», — skazaŭ jamu Viktar Łukašenka.
Śpiavak spytaŭ, jakija vidy sportu lubić kiraŭnik NAK. Viktar Łukašenka raskazaŭ pra svajo zachapleńnie chakiejem z šajbaj, a taksama pra toje, što ŭ junactvie zajmaŭsia volnaj baraćboj.
Džejsan Deruła raskazaŭ, što ŭžo abmiarkoŭvaŭ praviadzieńnie ŭ Biełarusi šou ź jaho ŭdziełam u kastryčniku.
Śpievaku padaryli suvieniry.
Raniej śpievaka sustrakaŭ premjer-ministr Alaksandr Turčyn i vadziŭ jaho pa Domie ŭradu. Derułu bačyli taksama na tusovačnaj minskaj vulicy Zybickaj — jon byŭ hościem viačery ŭ adnym z baraŭ.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
Osobienno słužiebnych)