Tandem prezidenta Francyi i jaho premjer-ministra staŭ samym niepapularnym u sučasnaj historyi krainy
Papularnaść Emanuela Makrona raniej nikoli nie apuskałasia nižej za 20%, ale ciapier atrymlivaje 19%. Pra heta śviedčyć apytańnie IFOP/JDD, dadzienyja jakoha pryvodzić Le Figaro.
Emanuel Makron, jaki znachodzicca va ŭładzie z 2017 hoda, i Fransua Bajru, pryznačany premjer-ministram u śniežni, składajuć samy niepapularny ŭładny tandem u sučasnaj historyi Francyi.
Pracaj Makrona zadavolenyja tolki 19% apytanych — heta, praŭda, bolš, čym było ŭ svoj čas u Fransua Ałanda (13%).
Uzrovień adabreńnia Bajru skłaŭ 18%. Sukupnaja padtrymka Makrona i Bajru składaje 37%.
Sukupnaja padtrymka Ałanda i jaho premjera była 51%.
Navat siarod vybarščykaŭ Makrona na prezidenckich vybarach 2022 hoda tolki 49% U ciapierašni čas zadavoleny jaho dziejnaściu.
Premjer-ministr Fransua Bajru tym časam staŭ samym niepapularnym kiraŭnikom urada ŭ sučasnaj historyi Francyi.
Kamientary