Sinoptyk Dźmitryj Rabaŭ u efiry telekanała ANT paviedamiŭ, što na nastupnym tydni ŭ Biełarusi praciahniecca niestabilnaje nadvorje. Lipień — samy navalničny miesiac, tamu varta nadalej čakać zaleŭ, škvałaŭ, a časam i hradu.
Pavodle słoŭ Dźmitryja Rabava, u pieryjad z 21 pa 27 lipienia na nadvorje ŭ krainie buduć upłyvać aktyŭnyja atmaśfiernyja franty i cykłony, jakija pryjduć z zachadu i poŭdnia. Niahledziačy na heta, anamalnaj śpiakoty nie čakajecca — tempieratura budzie ŭ miežach kamfortnych letnich značeńniaŭ.
Paniadziełak, 21 lipienia: karotkačasovyja daždžy i navalnicy, mocny viecier padčas navalnic (da 15—20 m/s). Nočču +12…+17°C, udzień +20 na ŭschodzie i da +28°C na paŭdniovym zachadzie.
Aŭtorak, 22 lipienia: ad +17°C na zachadzie da +28°C na paŭdniovym uschodzie.
Sierada, 23 lipienia: vobłačna z prajaśnieńniami, karotkija daždžy i navalnicy, viecier zachodni, paryvisty. Nočču +11…+16°C, udzień +20…+24°C.
Čaćvier, 24 lipienia: daždžy roznaj intensiŭnaści. Nočču +11…+17°C, udzień +20…+26°C.
Piatnica, 25 lipienia: ad +17°C na paŭnočnym zachadzie da +24°C na paŭdniovym uschodzie.
U vychadnyja, 26—27 lipienia, nadvorje taksama budzie niaŭstojlivym — mahčymyja daždžy, tumany i navalnicy
- U subotu nočču +9…+14°C, udzień ad +17°C u Hrodnie da +28°C u Homieli.
- U niadzielu pavietra prahrejecca da +25°C.
Sinoptyk adznačyŭ, što leta ŭžo idzie na spad, ale nadvorje zastajecca miakkim, choć niestabilnym.
Kamientary