Zamieniać amal usie vitryny — kala 380 štuk.
Uchvalena kancepcyja rekanstrukcyi krytaha Kamaroŭskaha rynku. Pra heta paviedamiŭ hiendyrektar dziaržpradpryjemstva «Minski Kamaroŭski rynak» Mikałaj Chmialnicki, pišuć «Minsk-naviny».
Płanujecca, što raboty zojmuć kala dvuch hadoŭ. Sam kryty rynak na čas rabot začyniacca nie budzie.
— Kancepcyja praduhledžvaje stvareńnie sučasnaj handlovaj prastory dla pakupnikoŭ i pradaŭcoŭ, — paviedamiŭ Mikałaj Chmialnicki.
— Jana ŭklučaje zamienu praktyčna ŭsich vitryn — kala 380 štuk — a taksama pašyreńnie zony absłuhoŭvańnia.
Akramia taho, płanujem ustalavać dadatkovaje chaładzilnaje abstalavańnie. Dadatkovaje aśviatleńnie nie tolki palepšyć vonkavy vyhlad rynku, ale i dapamoža ŭ navihacyi pa im. Płanujecca, što raboty pačnucca z šerahaŭ, dzie pradajecca miasnaja pradukcyja.
U skład pradpryjemstva «Minski Kamaroŭski rynak» uvachodziać taksama dva nievialikija rynki na poŭdni stalicy — Kurasoŭščynski i Čyžoŭski.
Jak paviedamiŭ M. Chmialnicki, ciapier na Čyžoŭskim rynku zaniata kala 83 % miescaŭ, na Kurasoŭščynskim — 65 %. Niepasredna na Kamaroŭskim zaniata 82 % handlovych miescaŭ.
— Zaprašajem jak vytvorcaŭ sielskahaspadarčaj pradukcyi, tak i inšych arandataraŭ, — padsumavaŭ M. Chmialnicki.
Ciapier čytajuć
Babaryka: Kali b my pieramahli — vajny va Ukrainie nie było b23
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»77
Kamientary