U milicyju źviarnułasia 90-hadovaja žančyna, jakaja stała achviaraj machlaroŭ. Žančyna raspaviała, što da jaje dadomu pryjšli dvoje mužčyn, a jana praz drenny zrok pryniała ich za ŭnuka z tavaryšam, paviedamlaje staličnaja milicyja.
Jany paprasili «babulu» dać im hrošy na ramont mašyny. Piensijanierka addała im usie svaje źbieražeńni — bolš za 5 tysiač rubloŭ.
Praź niejki čas tak zvany ŭnuk viarnuŭsia da babuli, addaŭ častku hrošaj i kamplekt tannaj paścielnaj bializny. Jon pačaŭ pierakonvać piensijanierku, što jana chacieła kupić u ich paścielnuju bializnu. I navat pahražali ŭ vypadku admovy vyklikać milicyju. U hety momant piensijanierka zrazumieła, što sutyknułasia z machlarami.
Paźniej vyśvietliłasia, što 27– i 29-hadovyja chłopcy pieršapačatkova chacieli skraści. Jany ŭzłamali dźviarny zamok i pranikli ŭ dom, ale, ubačyŭšy haspadyniu, rezka źmianili svaje płany.
Adnu ź piaci tysiač jany patracili. A pryjšli znoŭ i viarnuli hrošy, zdymajučy «prodaž» paścielnaha na videa, kab žančyna nie źviarnułasia ŭ milicyju. Ich buduć sudzić za machlarstva.
Kamientary