Pavodle infarmacyi inicyjatyvy iSANS, dron, jaki zalacieŭ u Litvu ź Biełarusi, źjaŭlajecca rasijskim bieśpiłotnikam typu «Hierbiera». Padčas znachodžańnia ŭ pavietranaj prastory Biełarusi jaho supravadžaŭ viertalot Mi-35M biełaruskich Vajskova-pavietranych sił, jaki sprabavaŭ jaho źbić.
Rasijski bieśpiłotny aparat typu «Hierbiera» (imitacyja iranskaha Shahed-136, jaki vykarystoŭvajecca dla pierahruzki sistem supraćpavietranaj abarony) raźbiŭsia 10 lipienia kala 11:40 pa litoŭskim časie na terytoryi Litvy, u rajonie zakrytaha punkta propusku Šumskas, prykładna za 1 km ad miažy ź Biełaruśsiu, paviedamlaje inicyjatyva iSANS.
Pavodle infarmacyi daśledčykaŭ, pierad padzieńniem dron supravadžaŭ viertalot Mi-35M Vajskova-pavietranych sił Biełarusi, jaki sprabavaŭ jaho źbić.
Ź viečara 9 lipienia na terytoryju Biełarusi z boku Ukrainy zalacieła nie mienš za 20 rasijskich dronaŭ: 5 viarnulisia nazad va Ukrainu, 13 źnikli z radaraŭ, a 2 byli źbityja abo raźbilisia na terytoryi Biełarusi.
Paśla incydentu ŭ Litvie adbyłasia evakuacyja premjer-ministra i śpikiera Siejma ŭ schovišča.
Litoŭskija pamiežniki spačatku pryniali abjekt za iranski bieśpiłotnik šachied, a paźniej vypuścili paviedamleńnie, što heta byŭ «samarobny samalocik» z faniery i pienapłastu.
Ekśpiert Jan Matviejeŭ u kamientary dla «Vołny» adznačyŭ, što heta nahadvaje «Hierbieru» — lohki, adnarazovy dron-prymanku, pryznačany dla pierahruzki sistem PRA i vyjaŭleńnia pazicyj radarnych kompleksaŭ. Jon taksama padkreśliŭ, što taki aparat moža być abstalavany i nievialikaj bajavoj častkaj.
Čerhaŭ na miažy ciapier nie budzie? Čaho čakać ad adkryćcia «Bruzhoŭ» i «Bierastavicy»4
Kamientary
"Paśla incydentu ŭ Litvie adbyłasia evakuacyja premjer-ministra i śpikiera Siejma ŭ schovišča"
Adkul heta bačna? Ci niechta z iSANS siadzieŭ u kabinie hetaha viertalotu?