Za adzin viečar try biełaruskija futbolnyja kłuby pieramahli supiernikaŭ z Armienii, Makiedonii i Čarnahoryi. Heta rekord
Hrodzienski «Nioman» i bresckaje «Dynama» hulali na poli supiernika, a žodzinskaje «Tarpieda-BiełAZ» — farmalna doma, choć i ŭ Vienhryi.
Hrodzienski «Nioman» pieramoh u Jerevanie armianski kłub «Urartu» ź likam 2:1. Hały ŭ Biełarusaŭ zabili Anton Sučkoŭ (na 49-j chvilinie) i Pavieł Savicki (praź piać chvilin). Da kanca matča haspadary zmahli tolki skaracić adstavańnie.
Bresckaje «Dynama» ŭ Čarnahoryi vyjhrała z tym ža likam 2:1 miascovuju «Sućjesku» ŭ horada Nikšyč. Pieršy hoł na 25-j chvilinie zabiŭ Arciom Bykaŭ, na apošniaj chvilinie haspadary adyhralisia, ale ŭ dadadzieny čas zabili hoł u svaje varoty.
Urešcie, «Tarpieda-BiełAZ» z Žodzina ŭ farmalna chatnim matčy, jaki prajšoŭ u vienhierskim horadzie Sambatchiej, upeŭniena pierajhrała paŭnočnamakiedonski kłub «Rabotnički» — 3:0. Hały zabili Pavieł Siadźko, Vadzim Pabudziej i nihieryjski lehijanier Stefan Alfred.
Jašče nikoli ŭ historyi biełaruskaha futboła nie było takoha, kab ŭ adzin dzień u jeŭrakubkach pieramahali try kamandy.
Za košt hetych pieramoh Biełaruś prosta zaraz znachodzicca na pieršym miescy ŭ rejtynhu UEFA.
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 20263
Kamientary