Paśla niadoŭhačasovaha pierapynku zasille daždžoŭ praciahniecca. Hetyja daždžy buduć supravadžacca navalnicami i paryvistym vietram.
Padrabiaźniej pra nadvorje na tydzień z 7 pa 13 lipienia raskazaŭ sinoptyk Dźmitryj Rabaŭ.
U pačatku tydnia na nadvorji adabjecca ŭpłyŭ atmaśfiernych frantoŭ z zachadu Jeŭropy. Prachodziačy praź Biełaruś, jany pryniasuć karotkačasovyja daždžy, vialikaja vierahodnaść navalnic. Viecier zachodni, umierany, časam paryvisty. Vilhotnaść pavietra da 90 adsotkaŭ. Nočču ad +9 da +14°C. Dniom u paniadziełak ad +17°C pa poŭnačy da +27°C pa paŭdniovym uschodzie, u aŭtorak ad +18°C u Hrodnie da +26°C u Homieli.
U siaredzinie tydnia vobłačna z prajaśnieńniami. Časam karotkačasovyja daždžy. Viecier zachodni, umierany. Vilhotnaść da 90 adsotkaŭ. Unačy ŭ sieradu ad +11 da +17°C, u dzionnyja hadziny ad +17°C da +23°C.
I, papiarednie, u pačatku druhoj pałovy tydnia Biełaruś budzie znachodzicca ŭ vobłaści vysokaha atmaśfiernaha cisku, małaaktyŭny atmaśfierny front z zachadu pryniasie nievialikija łakalnyja daždžy. Nočču i ranicaj miescami tuman. Viecier zachodni, umierany, pry navalnicach paryvisty. Vilhotnaść da 90 adsotkaŭ. Unačy ad +10 da +15°C. Udzień u čaćvier +21… +24°C, u piatnicu ad +20 da +24°C.
U vychadnyja — pieramiennaja vobłačnaść, projduć łakalnyja, karotkačasovyja daždžy, vialikaja vierahodnaść navalnic. Viecier zachodni, umierany. Nočču i ranicaj tuman. Vilhotnaść da 80 adsotkaŭ. Unačy ad +9 da +14°C, u siaredzinie dnia ŭ subotu ad +16°C u Homieli da +25°C u Breście, u niadzielu +22…+26°C.
Ciapier čytajuć
Kiraŭnik Lidy zaklikaŭ siłavikoŭ nie spyniać palityčnych represij28
Kamientary