Пасля нядоўгачасовага перапынку засілле дажджоў працягнецца. Гэтыя дажджы будуць суправаджацца навальніцамі і парывістым ветрам.
Падрабязней пра надвор'е на тыдзень з 7 па 13 ліпеня расказаў сіноптык Дзмітрый Рабаў.
У пачатку тыдня на надвор'і адаб'ецца ўплыў атмасферных франтоў з захаду Еўропы. Праходзячы праз Беларусь, яны прынясуць кароткачасовыя дажджы, вялікая верагоднасць навальніц. Вецер заходні, умераны, часам парывісты. Вільготнасць паветра да 90 адсоткаў. Ноччу ад +9 да +14°C. Днём у панядзелак ад +17°C па поўначы да +27°C па паўднёвым усходзе, у аўторак ад +18°C у Гродне да +26°C у Гомелі.
У сярэдзіне тыдня воблачна з праясненнямі. Часам кароткачасовыя дажджы. Вецер заходні, умераны. Вільготнасць да 90 адсоткаў. Уначы ў сераду ад +11 да +17°C, у дзённыя гадзіны ад +17°C да +23°C.
І, папярэдне, у пачатку другой паловы тыдня Беларусь будзе знаходзіцца ў вобласці высокага атмасфернага ціску, малаактыўны атмасферны фронт з захаду прынясе невялікія лакальныя дажджы. Ноччу і раніцай месцамі туман. Вецер заходні, умераны, пры навальніцах парывісты. Вільготнасць да 90 адсоткаў. Уначы ад +10 да +15°C. Удзень у чацвер +21… +24°C, у пятніцу ад +20 да +24°C.
У выхадныя — пераменная воблачнасць, пройдуць лакальныя, кароткачасовыя дажджы, вялікая верагоднасць навальніц. Вецер заходні, умераны. Ноччу і раніцай туман. Вільготнасць да 80 адсоткаў. Уначы ад +9 да +14°C, у сярэдзіне дня ў суботу ад +16°C у Гомелі да +25°C у Брэсце, у нядзелю +22…+26°C.
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве40
Каментары