«Nie było ni hudzieńnia, ni vybuchaŭ». Surjoznyja niestykoŭki ŭ viersii RF pra ataku na rezidencyju Pucina
Aficyjnyja zajavy rasijskich uładaŭ pra maštabny nalot ukrainskich dronaŭ na rezidencyju Uładzimira Pucina na Vałdai vyklikajuć surjoznyja sumnievy. Vydańnie «Možiem objaśniť» vyjaviła šerah faktaŭ, jakija nie supadajuć z karcinaj, namalavanaj Kramlom.
Pieršyja pytańni vyklikaje razychodžańnie ŭ dadzienych roznych viedamstvaŭ RF. Kali kiraŭnik MZS Siarhiej Łaŭroŭ zajaviŭ pra 91 dron, to Minabarony RF paviedamiła, što nad Noŭharadskaj vobłaściu byŭ źbity 41 aparat — 50 nibyta pierachapili nad Branskaj i Smalenskaj abłaściami.
Śćviardžajecca, što źbityja pad Branskim drony lacieli «ŭ napramku Naŭharodskaj vobłaści» — ale nie jasna, jak pra heta daviedalisia: pamiž hetymi rehijonami znachodziacca Ćviarskaja i Smalenskaja vobłaści. Da taho ž drony mohuć mianiać kirunak palotu dla abychodu rajonaŭ SPA.
Taksama zastajecca niajasnym čas ataki. Łaŭroŭ i pamočnik prezidenta Rasii Juryj Ušakoŭ kazali pra načny nalet, adnak pavodle zvodak Minabarony, asnoŭnaja masa BPŁA nad Naŭharodčynaj była źniščana ranicaj, z 7 da 9 hadzin.
Miascovyja žychary ničoha nie čuli
Žurnalisty «MO» apytali 14 žycharoŭ Naŭharodskaj vobłaści, u tym liku tych, chto žyvie niepasredna kala Vałdaja. Nichto ź ich nie zaŭvažyŭ prykmiet maštabnaj pavietranaj bitvy.
«Nie było nijakaha hudzieńnia hetaj nočču, vybuchaŭ — tym bolš. Kali b było štości padobnaje, uvieś horad heta b abmiarkoŭvaŭ sto adsotkaŭ», — cytuje vydańnie adnaho ź miascovych žycharoŭ.
Dla horada z nasielnictvam 14 tysiač čałaviek pralot i źbićcio amal sotni dronaŭ nie mahli prajści niezaŭvažna.
Žychary Vałdaja adznačajuć, što zaŭsiody čujuć navat šum viertalotaŭ, jakimi karystajecca Pucin, adnak u noč i ranicu nibyta ataki ŭ sacyjalnych sietkach i miascovych čatach nie źjaviłasia nivodnaha paviedamleńnia ab vybuchach.
Jašče adna niestykoŭka — praca sistem apaviaščeńnia. U rehijonie nie abviaščałasia pavietranaja pahroza, a žychary nie atrymlivali tradycyjnych SMS-papiaredžańniaŭ ad MNS.
Dla paraŭnańnia, padčas papiaredniaj ataki na zavod «Akron» u Vialikim Noŭharadzie miascovyja žychary vyrazna čuli vybuchi, i heta adrazu stała hałoŭnaj temaj u rehijanalnych pablikach.
Prezident Ukrainy Uładzimir Zielenski nazvaŭ zajavy Łaŭrova čarhovaj chłuśnioj. Pavodle jaho słoŭ, Rasija śviadoma stvaraje infarmacyjnuju hlebu, kab apraŭdać budučyja ŭdary pa ŭradavych budynkach u Kijevie.
Na hetym fonie rasijskaja prapahanda aktyŭna prasoŭvaje temu vykarystańnia rakiet «Arešnik». Mienavita siońnia Minabarony RF apublikavała videa zastupleńnia hetych kompleksaŭ na dziažurstva ŭ Biełarusi.
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary
Ź inšaha boku śmiešny hety jenk Maskvy. Ni na heta jany raźličvali na čaćviorty hod vajny. Płanavali adnavić SSSR da 27 hoda, a pa vyniku nie mohuć uziać Kupiansk i płačucca prezidentu ZŠA, što Ukraina napužała Pucina svaimi dronami. Mnoho chodov očka.