Hiensak NATA adreahavaŭ na rašeńnie ZŠA prypynić častku vajskovaj dapamohi Kijevu
Hienieralny sakratar NATA Mark Rute u efiry telekanała Fox News vykazaŭ razumieńnie, što administracyja ZŠA imkniecca ŭ pieršuju čarhu abaranić svaje nacyjanalnyja intaresy, ale pry hetym jon zaklikaŭ praciahvać vajskovuju dapamohu Ukrainie, paviedamlaje «Jeŭrapiejskaja praŭda».
Mark Rute adznačyŭ, što Ukraina ŭ najbližejšaj pierśpiektyvie nie moža abyścisia biez usioj mahčymaj padtrymki, asabliva kali havorka idzie pra bojeprypasy i sistemy supraćpavietranaj abarony.
Jon nahadaŭ, što na minułym samicie NATA prezidenty Ukrainy i ZŠA praviali plonnuju sustreču, u tym liku abmiarkoŭvali pastaŭki sistem SPA.
Hiensak NATA padkreśliŭ, što ZŠA pavinny kłapacicca pra svaje zapasy zbroi, ale taksama pavinny być hnutkimi ŭ pytańniach padtrymki Ukrainy. Pavodle słoŭ Rute, pieramoha Ukrainy ŭ vajnie — i ŭ intaresach ZŠA, bo biaśpiečnaja Jeŭropa aznačaje i biaśpiečnyja ZŠA.
Jon taksama adznačyŭ, što jeŭrapiejskija krainy pavialičvajuć svaje abaronnyja vydatki i dapamahajuć Ukrainie, ale biez praktyčnaj padtrymki ZŠA zrabić heta budzie ciažka.
1 lipienia Bieły dom paćvierdziŭ, što Pientahon prypyniŭ pastaŭki niekatorych rakiet supraćpavietranaj abarony i inšych vysokadakładnych bojeprypasaŭ va Ukrainu, pakolki ŭ ZŠA bajacca źmianšeńnia zapasaŭ zbroi ŭ siabie.
Ukraina pry hetym zajaviła, što nie atrymlivała aficyjnych paviedamleńniaŭ pra prypynieńnie abo źmieny ŭ hrafikach pastavak abaronnaj dapamohi.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary
Słovy zdiełki damovy harancyi miemarandumy..ad Štataŭ pusty huk.
Eŭraŭviaz nata...15 hod kamientuju kažu na..vošta nam nata padobnaja nata.
Ci Biełaruś sama sabie Eŭropa sojuz ź źviaz...poŭnaja