Z 1 lipienia 2025 hoda ŭ Danii ŭviali abaviazkovuju vajskovuju słužbu dla žančyn naroŭni z mužčynami. Rašeńnie pryniata na fonie rostu pahrozy z boku Rasii i nieabchodnaści ŭzmacnić abaronu krainy, paviedamlaje Assotiated Press.
Ciapier usie paddanyja dackaha karala, jakija dasiahnuli 18 hadoŭ, pavinny stanavicca na ŭlik u vojska i prachodzić adbor. Da hetaha žančyny mahli słužyć tolki dobraachvotna.
Raniej urad płanavaŭ uvieści hetyja źmieny z 2027 hoda, ale vyrašyŭ paskoryć reformu. Termin słužby taksama pavialičany — z 4 da 11 miesiacaŭ.
Pavodle słoŭ kiraŭnika pryzyŭnoj słužby pałkoŭnika Kienieta Štroma, heta nieabchodna, kab uzmacnić bajazdolnaść i adpaviadać patrabavańniam abarončaj palityki NATA.
Ciapier nabor u vojska adbyvajecca tak: spačatku prymajuć dobraachvotnikaŭ, a astatnija miescy zapaŭniajucca vypadkovym čynam praz łatareju. Płanujecca, što da 2033 hoda štohod na słužbu buduć pryzyvać kala 6,5 tysiačy čałaviek (u 2024 hodzie było 4,7 tysiačy, ź jakich 24% — žančyny). Na siońnia ŭ dackich Uzbrojenych siłach słužyć kala 9 tysiač prafiesijnych vajskoŭcaŭ, a nasielnictva krainy — kala 6 miljonaŭ čałaviek.
Danija stała apošniaj krainaj Paŭnočnaj Jeŭropy, jakaja ŭviała vajskovy abaviazak dla žančyn. Raniej heta zrabili Narviehija (u 2015 hodzie) i Šviecyja (u 2017-m).
U lutym premjer-ministarka Danii Miete Frederyksien zajaviła, što Danija pavialičyć vydatki na abaronu na 50 miljardaŭ dackich kron (prykładna $7 miljardaŭ) u najbližejšyja dva hady. Heta daviadzie vajskovyja vydatki da 3% VUP — samaha vysokaha pakazčyka za apošnija 50 hadoŭ. Na samicie NATA ŭ červieni Danija padtrymała metu padniać vydatki da 5% VUP da 2035 hoda, jak hetaha patrabavaŭ prezident ZŠA Donald Tramp.
Frederyksien padkreśliła, što Rasija ŭjaŭlaje surjoznuju pahrozu, vyrablajučy bolš bojeprypasaŭ za try miesiacy, čym NATA — za ceły hod. Jana nazvała vajnu va Ukrainie vynikam «impierskich ambicyj» Uładzimira Pucina i adznačyła, što nie ŭpeŭnienaja, što jon spynicca tolki na hetaj krainie.
«Vakoł vajna, vakoł bušuje. Vaźmicie Finlandyju». Łukašenka pračytaŭ kinošnikam lekcyju pa mižnarodnym stanoviščy
Kamandujučym NATA staŭ hienierał Hrynkievič. Uražvaje, nakolki jon padobny da niekatorych Hrynkievičaŭ, jakija žyvuć u Biełarusi
«Ciapier zbroja vajny — kłavijatura». Brytanija vydatkuje 1 miljard funtaŭ na madernizacyju kibiervojskaŭ
Hiermanija vyrašyła pakinuć historyju ŭ minułym i rychtavacca da vajny
U Lepieli zatrymali palaka, jaki nibyta zdabyŭ dakumienty vučeńniaŭ «Zachad-2025»10
Kamientary
Heta vam nie tryndzieć na YouTube pra złych mužykoŭ, zmahacca za kvoty dla žančyn u KR ci chadzić na kancerty Mieledze.