«Abatsford Kenaks» atrymaŭ važnuju chatniuju pieramohu nad «Šarłot Čekiers» u čaćviortym matčy finalnaj sieryi płej-of ACHŁ [druhaja pa značnaści chakiejnaja liha ŭ Paŭnočnaj Amierycy] — 3:2.
Takim čynam, kanadski kłub vyjšaŭ napierad u sieryi da čatyroch pieramoh — 3:1, i ciapier znachodzicca ŭ adnym kroku ad zapavietnaha trafieja, paviedamlaje «Biełaruski chakiej».
Biełaruski bramnik Mikita Tałapiła znoŭ zastaŭsia na łaŭcy zapasnych. U ciapierašnim płej-of jon pravioŭ tolki adnu hulniu, jakaja zaviaršyłasia parazaj. Jaho statystyka: kaeficyjent nadziejnaści — 2,68, pracent adlustravanych kidkoŭ — 91,3%.
Asnoŭnym hałkipieram «Kenaks» praciahvaje zastavacca łatvijec Artur Šyłaŭ. U hetaj hulni jon adbiŭ 32 z 34 kidkoŭ i byŭ pryznany druhoj zorkaj matča.
Biełarus Daniła Klimovič vyjšaŭ na lod u čaćviortym źvianie i adznačyŭsia adnym kidkom pa varotach pry niejtralnym pakazčyku karysnaści. U 13 matčach hetaha rozyhryšu płej-of na jaho rachunku 3 šajby, 10 chvilin štrafu i «+2» pa sistemie «plus-minus».
Piataja hulnia sieryi adbudziecca 22 červienia a 04:00 pa minskim časie.
«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada5
Kamientary