Uviečary 18 červienia ŭ Iranie adbyłosia šyrokamaštabnaje adklučeńnie internetu. Jak paviedamlaje CNN sa spasyłkaj na arhanizacyju NetBlocks, amal pa ŭsioj krainie jon pierastaŭ pracavać.
Adklučeńnie internetu adbyłosia paśla niekalkich častkovych pierabojaŭ i na fonie rezkaha abvastreńnia kanfliktu pamiž Iranam i Izrailem, jaki supravadžajecca rakietnymi abstrełami z abodvuch bakoŭ.
U CNN paviedamili, što nie mohuć atrymać dostup da šerahu iranskich sajtaŭ, u tym liku dziaržaŭnych infarmacyjnych ahienctvaŭ IRNA i Fars.
Jak piša Reuters, u Iranie taksama ŭviali abmiežavańni na pakupku paliva. Pavodle ministra nafty Machsiena Pakniežada, heta zroblena dla praduchileńnia deficytu, ale surjoznych prablem z pastaŭkami dla nasielnictva nie čakajecca.
Taksama paviedamlajecca, što tysiačy ludziej vyjechali z Tehierana paśla zakliku prezidenta ZŠA Donalda Trampa, jaki paraiŭ mirnym žycharam pakinuć iranskuju stalicu. ZŠA nibyta razhladajuć mahčymaść vajennaj padtrymki Izraila, u tym liku avijaŭdaraŭ pa jadziernaj infrastruktury Irana.
Izrailskija ŭłady, u svaju čarhu, zaklikali žycharoŭ paŭdniova-zachodnich rajonaŭ Tehierana evakujavacca, kab vyzvalić terytoryju dla mahčymych udaraŭ pa vajskovych abjektach. Iranskija ŚMI paviedamlajuć pra vialikija zatory na vyjeździe z horada ŭ napramku paŭnočnych pravincyj.
ZŠA pieramiaščajuć vajskovyja samaloty ŭ rehijon Mižziemnaha mora
Ad iranskaha rakietnaha ŭdaru ŭ Izraili zahinuła siamja z Ukrainy, jakaja pryjechała lačyć siamihadovuju dačku ad lejkiemii
Fardo — hałoŭny jadzierny abjekt Irana. Što pra jaho viadoma?
Izrail udaryŭ pa zavodzie centryfuh u Tehieranie, dzie mohuć uzbahačać uran
Na praciahu dvuch sutak ZŠA prymuć rašeńnie ab mahčymym dałučeńni da vajennych dziejańniaŭ suprać Irana
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy14
Kamientary