Vulitsa Ezha — heta vialiki fiestyval ježy, jaki prachodzić u minskim Bataničnym sadzie 14-15 červienia. Hety fiestyval — 27-y pa liku. Arhanizatary padrychtavali nasyčanuju prahramu i šmat cikavych siurpryzaŭ dla naviedvalnikaŭ.
Upieršyniu na Vulitsa Ezha projdzie kulinarnaja škoła, dzie hości zmohuć vučycca hatavać razam z kamandaj arhanizataraŭ. Buduć stravy pa receptach Hordana Ramzi, syrny narviežski sup z łasosiem, pasta z tamatami, hrybnoje ryzota i inšyja smačnyja stravy, jakija možna budzie nie tolki pryhatavać, ale i adrazu paspytać.
Na fud-korcie budzie kala 40 ŭdzielnikaŭ z unikalnymi stravami, jakich nidzie bolš nie sustrenieš. Naprykład, sytnyja bahiety z šynkaj i hrybami, sendvičy na fakača, haračy ražok «Čyli Kon Karnie Miechika», roł-maroziva z manha i šakaładam z Dubaja. Taksama buduć niezvyčajnyja kambinacyi: indyk z kłubničnym sosam, banan u šakaładzie, smažanyja krevietki z sousam vasabi.
Tradycyjna projdzie ŭznaharodžańnie Ezha Awards, dzie hości i žury abiaruć najlepšych udzielnikaŭ. Hałasavańnie budzie praz QR-kod na fud-korcie.
Muzyka i tancy na Vulitsa Ezha — zaŭsiody važnaja častka fiestyvalu. Hetym razam budzie ŭdvaja bolš muzyki i zabaŭ. Na hałoŭnaj scenie projduć tancavalnyja fłešmoby, kvizy i kancerty. U subotu hrajuć džaz i kavier-bend Monkey Pipe, u niadzielu — łacinskija rytmy i trybjut AC/DC.
Akramia taho, źjavicca druhaja scena — Secret DJ Place, dzie buduć prachodzić vystupy muzykantaŭ i didžej-sety. Pieršy dzień pryśviečany chip-chopu, druhi — elektronnaj muzycy.
Dla dziaciej i darosłych budzie bolš za 20 zonaŭ z roznymi aktyŭnaściami, majstar-kłasami i siurpryzami. Da jubilejnaha siezona padrychtavali fotavystavu z najlepšymi zdymkami papiarednich hadoŭ i fotaboks dla fotazdymkaŭ.
Fiestyval prachodzić 14-15 červienia z 12:00 da 22:00 u Bataničnym sadzie.
Košt kvitkoŭ: 25 BYN poŭny, 12 BYN lhotny, dzieciam da 12 hadoŭ — biaspłatna.
Kamientary