U Akciabrskim rajonie supracoŭniki DAI z prymianieńniem zbroi zatrymali vadziciela Volkswagen, jaki sprabavaŭ uciačy ad patrula. Incydent adbyŭsia kala vioski Łamavičy, piša paviedamlaje pres-słužba MUS.
Ekipaž DAI sprabavaŭ spynić aŭtamabil, ale kiroŭca nie padparadkavaŭsia i pačaŭ uciakać. Jon niebiaśpiečna manieŭravaŭ na darozie, stvarajučy pahrozu inšym aŭtamabilam. Kab spynić jaho, supracoŭniki milicyi vykarystali słužbovuju zbroju.
Zatrymany — 41-hadovy miascovy žychar, jaki ŭžo nieadnarazova pazbaŭlaŭsia pravoŭ. Jon mieŭ prykmiety ałkaholnaha apjanieńnia, ale prachodzić miedycynskaje abśledavańnie admoviŭsia. Jahony pasažyr taksama vyhladaŭ pjanym.
Na kiroŭcu skłali šeść pratakołaŭ, u tym liku za niepadparadkavańnie i abrazy na adras milicyjantaŭ. Jaho źmiaścili ŭ izalatar časovaha ŭtrymańnia, a mašynu adpravili na štrafstajanku.
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary