Miadzinski choča adpravić hiensaku NATA padručnik historyi, kab dakazać, što «Ukrainy ŭ XII stahodździ nie było»
Mark Rute zajaviŭ, što dla dasiahnieńnia miru pieramovy pavinien vieści Uładzimir Pucin, a nie historyk, jaki stamiŭ usich svaimi raspoviedami.
Hiensakratar NATA Mark Rute raskrytykavaŭ rasijskuju delehacyju, jakaja praviała dva raŭndy pieramovaŭ z Ukrainaj.
Rute ŭ Łondanie zajaviŭ, što za stałom pieramovaŭ pavinien być Uładzimir Pucin, a nie historyk Uładzimir Miadzinski, jaki stamiŭ usich biessensoŭnymi ekskursami ŭ Siaredniaviečča.
«Kab skončyć hetuju vajnu, treba, kab Pucin sieŭ za stoł pieramovaŭ. A nie hety historyk, jaki źjaŭlajecca ŭ Stambule i znoŭ raskazvaje nam pra historyju Rasii i Ukrainy, pačynajučy ź niejkaha XII stahodździa.
Ja nie viedaju, što heta było. Jon uvieś čas paŭtaraje toje, što jany ŭžo zajaŭlali ŭ 2022 hodzie. Patrebna surjoznaja Rasija, jakaja choča vieści pieramovy i skončyć vajnu», — skazaŭ Rute.
Miadzinski adreahavaŭ na słovy hienieralnaha sakratara NATA svojeasabliva. Jon prapanavaŭ adpravić Rute rasijski školny padručnik historyi.
«Ja viedaju, što spadar Rute vyvučaŭ historyju va ŭniviersitecie, ale ja b abaviazkova jamu pasłaŭ papiaredni školny padručnik historyi Siaredniaviečča, tamu što ź jaho jon dakładna b daviedaŭsia, što ŭ XII stahodździ Ukrainy nie było», — skazaŭ Miadzinski TASS.
Uładzimir Pucin i rasijskaja prapahanda aktyŭna vykarystoŭvajuć histaryčnyja arhumienty jak abhruntavańnie ahresiŭnaj vajny suprać Ukrainy. Miadzinski na pieramovach u Stambule rabiŭ adsyłki da Paŭnočnaj vajny jak pakazčyk taho, što Rasija moža vajavać biaskonca.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary12
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary
chaj budzie, ŭpeŭnieny, budzie rahatač)))