Bieź vizy i apastylu. Pastupić va ŭniviersitet u Jeŭropu praściej, čym vy dumali

Uvieś praces — anłajn

Asnoŭnaja zručnaść — usie dakumienty možna padać dystancyjna. Kab stać studentam, nie treba jechać u Litvu, tamu viza na etapie pastupleńnia nie patrabujecca. Paśla zaličeńnia ŭniviersitet sam dapamahaje studentam z atrymańniem vizy, a paśla i vidu na žycharstva ŭ Litvie. 

Apastyl na dakumienty taksama nie patrebny — dastatkova skanaŭ atestata i vynikaŭ CT. 

Pryjom ankiet praciahniecca da 27 lipienia, ale va ŭniviersitecie zaklikajuć nie ciahnuć — čym raniej vy padaścio dakumienty, tym chutčej atrymajecie adkaz.

9 śpiecyjalnaściaŭ — 7 bieź ispytaŭ

Dla tych, chto tolki skončyŭ škołu, EHU prapanuje 9 bakałaŭrskich prahram. Ź ich siem — biez ustupnych ispytaŭ:

• infarmatyka
• prava
• historyja
• biznes i ekanomika
• jeŭrapiejskaja spadčyna i kreatyŭny turyzm
• palityka i mižnarodnyja adnosiny
• miedyja i kamunikacyja

Ispyty praduhledžany tolki na dźviuch tvorčych śpiecyjalnaściach:

• teatralnaje mastactva
• vizualny dyzajn

Zapisacca na ispyt možna praz sajt EHU. Zdajucca jany anłajn.

Pavialičyć

Nie treba źjazdžać ź Biełarusi

EHU prapanuje jak vočnuju, tak i zavočnuju (dystancyjnuju) formu navučańnia. Zavočniki mohuć žyć i pracavać u Biełarusi, adnačasova atrymlivajučy jeŭrapiejskuju adukacyju. Takaja forma dastupnaja dla 6 z 9 prahram.

Patrabavańni da abituryjentaŭ

• siaredni bał atestata — nie nižej za 7
• anhlijskaja — na ŭzroŭni A2

Kali adpaviednaha siertyfikata niama — treba anłajn zdać zručny i davoli prosty ŭdaskanaleny moŭny test.

Zapis na test idzie praz sajt, zapisvacca možna adrazu paśla padačy ankiety. Kolkaść sprob nie abmiežavanaja. Bolš za toje, navat nie paćvierdziŭšy vałodańnie anhlijskaj na ŭzroŭni A2, abituryjent moža być zaličanym va ŭniviersitet pry ŭmovie, što abaviazvajecca prajści moŭnyja kursy pry ŭniviersitecie, kab pa vynikach troch siemiestraŭ padniać svaju anhlijskuju da nieabchodnaha ŭzroŭniu.

Taksama padčas navučańnia ŭ EHU studenty mohuć dadatkova vyvučać niamieckuju, polskuju, francuzskuju abo litoŭskuju movy.

Paśla vypusku — mahčymaść zastacca ŭ Jeŭropie

Paśla zakančeńnia navučańnia VNŽ praciahvajecca jašče na hod, kab vypusknik moh znajści pracu i zastacca ŭ krainie, tamu studentam rajać vučyć litoŭskuju. Univiersitet dapamahaje vyvučyć litoŭskuju, prapanuje adpaviednyja navučalnyja kursy dla studentaŭ.

Pavialičyć

Finansavyja pytańni

Studenty EHU mohuć pretendavać na atrymańnie hranta, jaki pakryvaje 100% koštu navučańnia ŭ siemiestry. Admietna, što pretendavać na hrant možna adrazu paśla pastupleńnia. 

Padtrymka dastupnaja ŭžo ź pieršaha kursa — rašeńnie prymajecca na padstavie školnych dasiahnieńniaŭ: alimpijad, daśledavańniaŭ i inšych zasłuh.

Akramia hrantaŭ, aktyŭnyja studenty mohuć raźličvać na stypiendyju ŭ pracesie navučańnia.

Płatnaje navučańnie dla hramadzian Biełarusi na bolšaści prahram bakałavryjata i mahistratury kaštuje na 20—25% tańniej, čym dla inšych zamiežnych studentaŭ.

Jašče adna pieravaha navučańnia ŭ EHU — dadatkovy miesiac adpačynku, pakolki vučebny hod pačynajecca z 1 kastryčnika, a nie z 1 vieraśnia, jak u Biełarusi.

Zapisacca na kansultacyju i bolš padrabiazna vyvučyć mahčymaści navučańnia ŭ EHU možna na sajcie ŭniviersiteta, a taksama źviazaŭšysia z pradstaŭnikami ŭstanovy pa telefonie +370-644-96-317 (Viber, Telegram, WhatsApp).

• 9
• 1
• 1
• 0
• 0
• 0
• 0
• 0