Prasłaŭlenaha biełaruskaha treniera nie zaprasili na adkryćcio Nacyjanalnaha stadyjona ŭ Minsku, jakoje pavinna prajści siońnia viečaram.

«Telefanavaŭ Eduard Małafiejeŭ. Jaho nie zaprašajuć na aficyjnaje adkryćcio Nacyjanalnaha stadyjona. U fiederacyi skazali, što vykraśleny sa śpisu. Kim, što, čamu — niezrazumieła. Voś taki voś futboł, adnak…
Chočacca vieryć, što heta nieparazumieńnie. Ci toje, što pakul jašče možna vydać za nieparazumieńnie», — pryvodzić słovy žurnalista Rusłana Vasiljeva telehram-kanał «Sport Biełarusi».
Adkryćcio Nacyjanalnaha stadyjona, jaki ŭzvodziŭsia niekalki hadoŭ, pavinna prajści siońnia viečaram. Budzie niekalki ŭračystych mierapryjemstvaŭ, a taksama matč moładzievych futbolnych zbornych Biełarusi i Kitaja.
Eduard Małafiejeŭ — viadomy futbalist i trenier, jaki pryvioŭ minskaje «Dynama» ŭ 1982 hodzie da załatych miedaloŭ u čempijanacie SSSR, treniravaŭ zbornuju SSSR pa futbole. 2 červienia Eduardu Vasiljeviču spoŭniłasia 83 hady.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda

Kamientary