Sinoptyki raskazali, jakim byŭ chałodny i daždžlivy maj u hetym hodzie
Ciaredniaja pa Biełarusi tempieratura pavietra za maj 2025 hoda skłała +10,9°S, što nižej za klimatyčnuju normu na 2,5°S, paviedamlaje Biełhidramiet.
Najbolš chałodnaj vydałasia druhaja dekada sa siaredniedekadnaj tempieraturaj na 4,2°S nižej za normu.
Bolšuju častku miesiaca stajała chaładnavataje nadvorje i navat dniom tempieratura pavietra ŭ asnoŭnym znachodziłasia ŭ miežach +10 +15°S. Da kanca miesiaca ŭ asobnyja dni pavietra prahravałasia da +20 +25°S.
Maksimalnaha značeńnia tempieratura pavietra dasiahnuła 24 maja na stancyi Mahiloŭ i skłała 26,8°S.
Zamarazki dla traŭnia ličacca charakternaj źjavaj, u pačatku miesiaca paŭtaralnaść ich u pavietry składaje 50-70%, da kanca miesiaca jany rehistrujucca prykładna ŭ 5-10% hadoŭ.
Minimalnaja tempieratura pavietra adznačana na stancyi Łyntupy 9 maja i skłała -5,2°S.
Na praciahu miesiaca było adznačana ad 9 da 18 daždžlivych dzion (dzion z sumaj apadkaŭ za sutki 1 mm i bolš) pry normie 9-10 dzion.
Za miesiac u siarednim pa krainie vypała 100 mm apadkaŭ, što skłała 158 pracentaŭ klimatyčnaj normy.
Maj hetaha hoda zaniaŭ čaćviortaje miesca pa sumie apadkaŭ u ranžyravanym šerahu nazirańniaŭ ad najbolš vilhotnaha da najbolš suchoha, pačynajučy z 1945 hoda.
Na bolšaj častcy terytoryi krainy vypała 100-200 pracentaŭ klimatyčnaj normy apadkaŭ, a ŭ niekatorych rajonach centralnaj i paŭnočnaj častki ad 230 pracentaŭ da 290 pracentaŭ.
Byli pieravyšany miesiačnyja maksimumy apadkaŭ za maj na stancyjach: Jeziaryšča —179 mm (papiaredni rekord 139 mm u 2003 h.), Połack — 183 mm (papiaredni rekord 181 mm u 2005 h.), Marjina Horka — 164 mm (papiaredni rekord u 2003). 153 mm (papiaredni rekord 148 mm u 2014 h.), a na stancyi Słuck paŭtaryŭsia rekord 1952 h. — 120 mm.
Na stancyjach Jeziaryšča i Narač taksama byli pieravyšany sutačnyja maksimumy apadkaŭ za maj, vypała 52 mm (papiaredni rekord 45,4 mm u 1994 h.) i 67,4 mm (papiaredni rekord 39 mm u 2014 h.) adpaviedna.
U Viciebskaj, Minskaj i Homielskaj abłaściach takaja vialikaja kolkaść apadkaŭ dla hetych rehijonaŭ adznačana druhi raz za apošnija 80 hadoŭ.
Ciapier čytajuć
Dziaŭčyna z-pad Maładziečna niekalki miesiacaŭ žyła ŭ Hdańsku na vulicy. Jana raskazała pra svajo niaprostaje žyćcio3
Dziaŭčyna z-pad Maładziečna niekalki miesiacaŭ žyła ŭ Hdańsku na vulicy. Jana raskazała pra svajo niaprostaje žyćcio
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary