Cярэдняя па Беларусі тэмпература паветра за май 2025 года склала +10,9°С, што ніжэй за кліматычную норму на 2,5°С, паведамляе Белгідрамет.
Найбольш халоднай выдалася другая дэкада са сярэднедэкаднай тэмпературай на 4,2°С ніжэй за норму.
Большую частку месяца стаяла халаднаватае надвор'е і нават днём тэмпература паветра ў асноўным знаходзілася ў межах +10 +15°С. Да канца месяца ў асобныя дні паветра прагравалася да +20 +25°С.
Максімальнага значэння тэмпература паветра дасягнула 24 мая на станцыі Магілёў і склала 26,8°С.
Замаразкі для траўня лічацца характэрнай з'явай, у пачатку месяца паўтаральнасць іх у паветры складае 50-70%, да канца месяца яны рэгіструюцца прыкладна ў 5-10% гадоў.
Мінімальная тэмпература паветра адзначана на станцыі Лынтупы 9 мая і склала -5,2°С.
На працягу месяца было адзначана ад 9 да 18 дажджлівых дзён (дзён з сумай ападкаў за суткі 1 мм і больш) пры норме 9-10 дзён.
За месяц у сярэднім па краіне выпала 100 мм ападкаў, што склала 158 працэнтаў кліматычнай нормы.
Май гэтага года заняў чацвёртае месца па суме ападкаў у ранжыраваным шэрагу назіранняў ад найбольш вільготнага да найбольш сухога, пачынаючы з 1945 года.
На большай частцы тэрыторыі краіны выпала 100-200 працэнтаў кліматычнай нормы ападкаў, а ў некаторых раёнах цэнтральнай і паўночнай часткі ад 230 працэнтаў да 290 працэнтаў.
Былі перавышаны месячныя максімумы ападкаў за май на станцыях: Езярышча —179 мм (папярэдні рэкорд 139 мм у 2003 г.), Полацк — 183 мм (папярэдні рэкорд 181 мм у 2005 г.), Мар'іна Горка — 164 мм (папярэдні рэкорд у 2003). 153 мм (папярэдні рэкорд 148 мм у 2014 г.), а на станцыі Слуцк паўтарыўся рэкорд 1952 г. — 120 мм.
На станцыях Езярышча і Нарач таксама былі перавышаны сутачныя максімумы ападкаў за май, выпала 52 мм (папярэдні рэкорд 45,4 мм у 1994 г.) і 67,4 мм (папярэдні рэкорд 39 мм у 2014 г.) адпаведна.
У Віцебскай, Мінскай і Гомельскай абласцях такая вялікая колькасць ападкаў для гэтых рэгіёнаў адзначана другі раз за апошнія 80 гадоў.
Цяпер чытаюць
На абедзе Лукашэнкі і Сі Цзіньпіна прысутнічала і адзіная дачка кітайскага лідара11
Каментары