Biełaruś uvajšła ŭ lik krain ź minimalnymi taryfami na kamunałku
Biełaruś uvajšła ŭ tryccatku krain ź minimalnym koštam asnoŭnych pasłuh ŽKH za miesiac. Heta vynikaje z danych internet-resursu Numbeo, piša Office.life.
U rejtynhu za asnovu ŭziata kvatera płoščaj 85 «kvadrataŭ». Składalniki acanili rachunki za elektraenierhiju, zabieśpiačeńnie ciapłom i vadoj, vyvaz bytavych adkidaŭ.
U Biełarusi košt žyllova-kamunalnych pasłuh skłaŭ $53,31, abo 174,71 biełaruskaha rubla. Naša kraina pa hetym pakazčyku akazałasia na 97-m miescy z 123 krain.
Samuju darahuju «kamunałku» płaciać aŭstryjcy — amal $375,5. Na 2-m miescy — Hiermanija ($344,61). Zamykaje top-3 pa košcie pasłuh ŽKH Vialikabrytanija — $320,54. Na 4-m i 5-m miescach — Estonija ($312,54) i Čechija ($301,47) adpaviedna.
Na apošnim miescy raźmiaściŭsia Iran, dzie za «kamunałku» ŭ miesiac u siarednim płaciać $15,59. Takim čynam, roźnica ŭ canie ŽKH pamiž krainami ź minimalnymi i maksimalnymi pakazčykami składaje 24 razy.
Jak vynikaje z rejtynhu, mnohija bližejšyja susiedzi Biełarusi raźmiaścilisia na vierchnich radkach. Łatvija zaniała 6-je miesca ($299,7), Polšča — 8-je ($291), Litva — 16-je ($232). Rasija — na 52-m miescy ($122,42), a Ukraina — na 67-m ($94,55).
Mikoła Buhaj: Treba pieraharnuć staronku 2020-ha i pačać žyć novymi realijami68
Kamientary