Opel jechaŭ pa sustrečnaj pałasie staličnaha praśpiekta, ale na šlachu sustreŭ DAI
U paniadziełak kala 08:30 Opel niejkim čynam akazaŭsia na sustrečnaj pałasie praśpiekta Dziaržynskaha. Varta adznačyć, što ŭ tym miescy jość raździalalnaja pałasa z aharodžaj, piša Onliner.by.
Možna tolki mierkavać, što kiroŭca Opel zabłytaŭsia z-za ramontnych prac na ŭčastku praśpiekta, prylehłym da raźviazki z praśpiektam Žukava. Karma nastała chutka: u sustrečnym napramku jechaŭ ekipaž DAI. Inśpiektary, vierahodna, taksama byli ździŭleny tym, što adbyvajecca: zhodna z kamientaryjem aŭtara videa, manieŭr aŭtamabila DAI napałochaŭ jaho, i jamu daviałosia «skarystacca ekstrannym tarmažeńniem».
Śviatło na situacyju praliŭ inšy čytač Onliner.
— Bačyŭ, jak afarmlali kiroŭcu hetaha Opel tym rankam. I jakraz tady pa cotnym baku praśpiekta pierakładali asfalt, i prajezd byŭ zabaronieny ad Chmialeŭskaha da trochuzroŭnievaj raźviazki. Vidavočna, kiroŭca, vyjazdžajučy naleva z vulicy Ščorsa, pajechaŭ pa sustrečnaj pałasie, — vykazaŭ zdahadku surazmoŭca.
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary