87-hadovuju maci pravaabaroncy Sudalenki zabrała chutkaja paśla prychodu siłavikoŭ
Pra heta pravaabaronca napisaŭ u svaim fejsbuku.
«Maci zabrała chutkaja. Serca nie vytrymała paśla ŭvarvańnia siłavikoŭ u jaje chatu. Paśla taho, jak prymusili žančynu ŭ hadach padpisać pratakoł pra maju adsutnaść, choć ja pakinuŭ baćkoŭski dom jašče ŭ časy SSSR. Jany viedajuć, dzie ja, ale ž robiać vyhlad, što šukajuć. Pryjšli pakarać 87-hadovuju maci za mianie! I serca maci nie vytrymała», — napisaŭ pravaabaronca ŭ Facebook.
Jon upeŭnieny, što cisk na rodnych źjaŭlajecca sapraŭdnaj metaj takich uvarvańniaŭ siłavikoŭ: «Režym hetaha i chacieŭ, bo tak publična abiacaŭ zakazčyk złačynstvaŭ suprać čałaviečnaści! Navat u viaźnicy ja biaroh maci, nie kazaŭ usioj praŭdy — kazaŭ, što pracuju za miažoj. Paśla vyzvaleńnia paśpieŭ raźvitacca, ale i tady nie raskryŭ praŭdu. Vinšavaŭ u sakaviku z Dniom naradžeńnia i jana zapytałasia: «Synok, kali ty da mianie pryjedzieš?» Ja nie zmoh jaje ranić i skazaŭ: «Vosieńniu, mama. Abaviazkova pryjedu.» Choć dakładna viedaŭ: chutčej za ŭsio, nie zmahu…».
Homielskaha pravaabaroncu Leanida Sudalenku zatrymali ŭ studzieni 2021 hoda, a ŭ listapadzie 2021 hoda jon byŭ asudžany na try hady, a paśla vyzvaleńnia ŭ lipieni 2023 hoda źjechaŭ ź Biełarusi, adnak represii suprać jaho nie spynilisia. Jaho zavočna asudzili na piać hadoŭ.
U 2024 hodzie pravaabaroncu zavočna prysudzili jašče da 5 hadoŭ.
-
Viasielny kvest u emihracyi: biełarusy raskazali, jak brali šlub u zamiežžy
-
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
-
«My jašče nie skončyli. Nie stračvajcie nadziei!» Džon Koŭł adreahavaŭ na słovy Cichanoŭskaj pra 800 palitviaźniaŭ u Biełarusi
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary