Biełaruskamoŭny biazdomny Homiela atrymaŭ šaniec, kab źmianić žyćcio. Što ŭ vyniku?
Papularny homielski błohier Anatol rubakha_go, jaki zajmajecca sacyjalizacyjaj biazdomnych, šukaje hieroja dla svajho nastupnaha prajektu. Pieršaja hierainia studenta Anatola — biazdomnaja Viktoryja, jakoj chłopiec nabyŭ kvateru. Paśla taho, jak adna para homielskich biazdomnych admoviłasia ad dapamohi błohiera, toj vyjšaŭ na inšaha čałavieka, jaki žyvie na vulicy — Kanstancina. U im «Fłahštok» apaznaŭ adzinaha biełaruskamoŭnaha biazdomnaha Homiela. Heta 51-hadovy Kastuś Marozaŭ.
Pra jaho raniej raspaviadała niezaležnaja presa. Jon žyvie na placoŭcy za haspadarčymi pabudovami ŭ Savieckim rajonie, źbiraje i zdaje druhasnuju syravinu — škło, papieru i mietałałom, za heta i vyžyvaje.
Kastuś tłumačyŭ, što ŭ 2015 hodzie pamierła jahonaja maci, praz hod jon straciŭ pracu, potym atrymaŭ pierałom plača, zrabili składanuju apieracyju. Z-za hetaha nijak nie moh znajści novuju pracu, a daŭhi pa kamunałcy raśli.
U kancy 2017 hoda jaho vysielili z kvatery — u nikudy.
U byłym domie zastavałasia vialikaja biblijateka i fanateka. Kastuś lubić biełaruskich kłasikaŭ — Čačota, Kupału, Kołasa, Karatkieviča. A ź biełaruskaj muzyki asabliva jamu padabajecca «Narodny albom», niekatoryja pieśni ź jakoha jon cytavaŭ na pamiać.
Ciapier, pry sustrečy z błohieram, Kastuś taksama spačatku havaryŭ pa-biełarusku i adrazu pahadziŭsia na ŭdzieł u jahonym prajekcie. Ale kali toj prynios jamu novuju vopratku i prapanavaŭ zasialeńnie va ŭžo arendavanuju kvateru, biazdomny admoviŭsia.
Jon patłumačyŭ, što pakul nie hatovy da takoha kroku i nie zachacieŭ źmianiać ładu žyćcia, da jakoha pryzvyčaiŭsia za vosiem hadoŭ.
Błohier tym časam šukaje novaha hieroja.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary
A jak ža Valer Laškievič?