Nacyjanalny aeraport Minsk na svaim anłajn-tabło paviedamlaje pra masavyja zatrymki jak rejsy, jakija vylatajuć, tak i prybyvajuć u stalicu.
Naprykład, rejs z Baku zapaźniajecca ŭžo na 6 hadzin. Avijakampanija «Biełavija» paviedamlaje:
«U noč na 28 maja ŭ maskoŭskich aeraportach uvodzilisia abmiežavańni na paloty. Na dadzieny momant jany źniatyja, ale, u pryvatnaści, Šaramiećcieva paviedamlaje pra toje, što mohuć uźnikać składanaści z pryjomam i adpraŭkaj pavietranych sudnaŭ na praciahu ŭsiaho dnia.
Časovyja abmiežavańni, jakija ŭvodziać aeraporty, tak ci inačaj upłyvajuć na raskład avijakampanij u cełym. U zaležnaści ad abstavinaŭ moža źmianiacca čas vyletu/prybyćcia i dla rejsaŭ, jakija vykonvajucca nie tolki ŭ stalicu Rasijskaj Fiederacyi».
Nahadajem, što hetaj nočču i ranicaj znoŭ adbyŭsia masavy nalot ukrainskich bieśpiłotnikaŭ na Rasiju, u tym liku zakryvalisia aeraporty.
Kamientary