U Rasii adbyŭsia druhi za dva dni pažar na zavodzie pa vytvorčaści matoraŭ dla vajskovaj techniki
4 červienia ŭ Jarasłaŭli na zavodzie «Aŭtadyziel» uźnik pažar u cechu pa vytvorčaści 12-cylindravych ruchavikoŭ.
Ahoń achapiŭ płošču 400 kv. m, ale abyšłosia biez paciarpiełych. Likvidacyja pažaru zaniała bolš za paŭtary hadziny, piša Moscow Times.
Pryčyna ŭzharańnia nie ŭdakładniajecca. Zavod «Aŭtadyziel» (Jarasłaŭski matorny zavod) źjaŭlajecca adnym z najbujniejšych rasijskich pradpryjemstvaŭ pa vytvorčaści dyzielnych ruchavikoŭ šmatmetavaha pryznačeńnia i karobak pieradač. U mai 2024 hoda jon trapiŭ pad sankcyi ZŠA za vytvorčaść ruchavikoŭ dla rasijskaj armii.
Raniej, 2 červienia, na Zavołžskim matornym zavodzie ŭ Nižaharodskaj vobłaści adbylisia vybuch i pažar. Pavodle dadzienych dziaržaŭnaj inśpiekcyi pracy rehijona, pryčynaj stała ŭzharańnie hruzavika z cysternaj u adnym z cechaŭ, dzie zachoŭvalisia chimičnyja rečyvy. U vyniku adzin rabočy atrymaŭ apioki 10% cieła i byŭ špitalizavany. Płošča pažaru skłała 75 kv. m.
Zavołžski matorny zavod śpiecyjalizujecca na vypusku bienzinavych i dyzielnych matoraŭ, u tym liku dla vajskovaj techniki.
Hetyja incydenty padkreślivajuć prablemy biaśpieki na rasijskich pradpryjemstvach, jakija zajmajucca vytvorčaściu techniki dla vajennych patreb.
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ10
Kamientary