Kisły zvalniaŭ supracoŭnikaŭ «Varhiejminha», jakija padtrymali napad Rasii na Ukrainu
Kampaniju, jakaja raźvivaje hulniu «Śviet tankaŭ», pryznali ŭ Rasii «ekstremisckaj». «Kommiersant» raskazaŭ niekatoryja akaličnaści, pa jakich Hienprakuratura RF dabiłasia pryznańnia ekstremistami zasnavalnika mižnarodnaj karparacyi Wargaming Viktara Kisłaha, a taksama ŭłaśnika hrupy kampanij «Lesta» Malika Chatažajeva.
Jak raspaviadaje vydańnie, Hienprakuratura RF ustanaviła, što Kisły, jaki maje hramadzianstva Biełarusi i Kipra, paśla pačatku vajny «nie tolki pačaŭ apraŭdvać antyrasijskuju pazicyju ŭkrainskich uładaŭ, ale i nakiroŭvać prybytak svaich kampanij na finansavańnie Ukrainy».
Pavodle rasijskaj hienprakuratury, Kisły inicyjavaŭ zvalnieńnie supracoŭnikaŭ rasijskaha padraździaleńnia chołdynhu Wargaming, jakija padtrymali vajnu.
Tak, u lutym 2022 hoda kampanija zvolniła vice-prezidenta karparacyi Siarhieja Burkatoŭskaha paśla taho, jak jon publična vykazaŭ padtrymku rasijskamu ŭvarvańniu va Ukrainu. U paviedamleńni ŭ fejsbuku, jakoje paźniej było vydalena, Burkatoŭski napisaŭ: «Apieracyju Uzbrojenych sił Rasijskaj Fiederacyi, DNR i ŁNR padtrymlivaju. Astatniaje — niuansy».
Wargaming, jakaja maje ofisy ŭ roznych krainach, u tym liku ŭ Kijevie, chutka adreahavała na hetaje vykazvańnie. Pradstaŭnik kampanii paviedamiŭ, što asabistaje mierkavańnie Burkatoŭskaha «kateharyčna nie supadaje z pazicyjaj kampanii», i paćvierdziŭ, što jon bolš nie pracuje ŭ Wargaming.
Pa infarmacyi Hienprakuratury RF, u 2022 hodzie Viktar Kisły padzialiŭ chołdynh Wargaming na rasijska-biełaruski i mižnarodny siehmienty. Pavodle acenak nahladnaha viedamstva, nie žadajučy hublać rasijski rynak hulniavoj industryi, jon pravioŭ naminalnuju restrukturyzacyju, zrabiŭšy svajho padparadkavanaha — kiraŭnika sankt-pieciarburhskaha padraździaleńnia Malika Chatažajeva (jon taksama źjaŭlajecca hramadzianinam Kipra) uładalnikam hrupy kampanij «Lesta», jakaja naležyć Wargaming Group Limited.
Niahledziačy na źmienu ŭładalnika, «Lesta», jak ličać prakurory, praciahvała kantralavacca Kisłym i prynosić jamu pastajanny prybytak, za košt jakoha, u pryvatnaści, była prafinansavana dziejnaść zapuščanaj pa inicyjatyvie ŭkrainskaha prezidenta ŭradavaj płatformy «Junajted24». Zhodna z aficyjnymi zajavami kampanii, u 2022-2023 hadach jana jak dabračynnaść pieraličyła tudy $2 młn.
-
Sustreča Trampa i Pucina budzie, ale nie fakt, što na nastupnym tydni
-
Sustreča Uitkafa z Pucinym była bolš praduktyŭnaj, čym čakałasia. Tramp nieadkładna sazvaniŭsia ź Zialenskim i lidarami Jeŭropy
-
«Vajna pavinna zaviaršycca. I heta pavinna być sumlennaje zaviaršeńnie». Zialenski raskazaŭ pra razmovu z Trampam
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary