«Mielnikava nie ŭpisvajecca ŭ vobraz zakachanaj durnički». Prakopjeŭ ahučyŭ svaju viersiju
Hramadski dziejač i były minski restaratar Vadzim Prakopjeŭ u intervju «Jeŭraradyjo» parazvažaŭ, što mahło stajać za źniknieńniem Anžaliki Mielnikavaj.
Pa słovach Vadzima Prakopjeva, dla taho, kab zrazumieć, što zdaryłasia z Anžalikaj Mielnikavaj, treba adkazać na pytańnie, kudy jana źlacieła z Dubaja.
Jon prapanuje «vyzvalicca ad ramantyčnaha floru i filmaŭ pra Džejmsa Bonda, pra miadovuju pastku i ŭsio astatniaje».
«Anžalika Mielnikava vynachodliva siabie pavodziła, rychtavałasia i błytała ślady. Ni razu (u mianie vielmi abmiežavany byŭ dośvied znosin ź joj), ni razu nie rabiła ŭražańnia čałavieka emacyjna impulsiŭnaha, i nie ŭpisvajecca ŭ vobraz zakachanaj durnički. Ja b skazaŭ, što jana była dastatkova žorstkaja, cyničnaja.
Spakušalnik z KDB, jak by dziaŭčynkam ni chaciełasia vieryć u takuju trahičnuju achviarnuju historyju, jon nie prajšoŭ by ŭ Anžaliki Mielnikavaj fejs-kantrol. (…) Jak heta možna daviedacca? Pa abutku. Anžalika Mielnikava z usimi svaimi zvyčkami ź siaredniaha kłasa prosta nie pahladzieła b u bok hetaha spakuśnika», — ličyć Prakopjeŭ.
Jon miarkuje, što Łabiejeŭ byŭ «suviaznym pamiž kurataram i abjektam».
«Vy sabie lohka ŭjaŭlajecie spakuśnika, jaki lacić z mamaj Mielnikavaj u adnym samalocie na Kubu? Niama ničoha seksualniej, tak?» — arhumientuje Prakopjeŭ.
Jon ličyć, što Mielnikavu mohuć bolš naohuł nie pakazać.
Kali heta była apieracyja KDB, to jaje pośpiech Prakopjeŭ aceńvaje nievysoka:
«Adzinaja kaštoŭnaść, jakuju mahła b pryvieźci ahient Mielnikava na radzimu — heta asoby, jakija stajać za hrupaj «Kibierpartyzan». Ale «Kibierpartyzany» nie nastolki tupyja».
Prakopjeŭ miarkuje, što viarboŭka Mielnikavaj mahła adbycca daŭno — bo nie bačyć ryčahoŭ cisku na jaje ciapier.
«Dzieci byli ź joj. (…) Ź ich ryčaha nie zrobiš. Nieruchomaść. (…) Maleńkaja adnapakajovaja kvatera (…) u Biełarusi. Z hetaha taksama ryčaha nie zrobiš. Sastarełyja baćki, naprykład, ci ich stan zdaroŭja. Usio ž taki prablemu možna było niejkim čynam pakrucić i kudyści ich vyvieźci ŭ treciuju krainu.
Tamu ja nie znachodžu asablivych ryčahoŭ dla taho, kab jana mahła stać zavierbavanym čałaviekam niadaŭna. Ja dapuskaju, što ŭsio ž heta historyja daŭniaja».
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia
«Mahčyma, jana źbiehła ad kachanka, ci jon jaje zabiŭ, ci jana ŭ Biełarusi». Aŭtar rasśledavańnia pra Anžaliku Mielnikavu
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia
Ciapier čytajuć
«Na takuju ch**niu paviałasia». Rasijanka pryjechała ź Sibiry ŭ Biełaruś i ciapier z maciukami raskazvaje, jak tut składana žyć21
Kamientary
Ich osnovnoj tielehramm-kanał po dieanonu siłovikov «Karatieli Biełarusi» nie obnovlajetsia s 14 marta, kohda načała hotoviť siebie puti otchoda śpikierka KS...
Sovpadienije dvuch etich faktov možiet śvidietielstvovať o tom, čto Mielnikova zanimałaś viedienijem telegram-kanałov i mohła imieť dostup k informatoram.
I kali zalizany ahient čmo nie zdolny pajechać na Bahamy ci Maldyvy, ci jak mieńš Paryž ci Łondan, to cikavaści da jaho roŭna nul.
***
Pahadžusia z tymi žurnalistami jakija razhledzieli ŭ Malnikavaj viadomuju Mieledzi z troch muškiecioraŭ. Takim nie cikavy nichto akramia hrafa, łorda ci kardynała. I takija luboha (šmat kaho) abviaduć vakruh palca i vokam nie marhnuŭšy.