«Voś i ŭsio. Niama ŭ mianie bolš brata. Saša syšoŭ u lepšy śviet va ŭzroście 46 hadoŭ», — napisała ŭ svaim fejsbuku byłaja palitźniavolenaja Volha Kłaskoŭskaja.
Jana dadała, što pryčynaj śmierci mahło być serca, ale budzie ekśpiertyza.
Alaksandr Kłaskoŭski naradziŭsia 26 vieraśnia 1978 hoda ŭ siamji viadomych biełaruskich žurnalistaŭ Alaksandra i Ludmiły Kłaskoŭskich.
U 1999 hodzie pastupiŭ na słužbu ŭ DAI Leninskaha rajona Minska, byŭ inśpiektaram DPS. U 2005 h. vymušana pakinuŭ MUS u čynie lejtenanta milicyi.
19 śniežnia 2010 hoda padčas Płoščy-2010 vyjšaŭ u milicejskaj formie siarod pratestoŭcaŭ. Byŭ zatrymany ŭ siabie doma nastupnaj nočču — na 21 śniežnia 2010 h. Pry hetym byŭ mocna źbity. Źmieščany ŭ SIZA KDB, abvinavačany pa troch kryminalnych artykułach i asudžany na piać hadoŭ. Byŭ pamiłavany i vyzvaleny z škłoŭskaj kałonii 14 vieraśnia 2011 h.
Paśla 2020 hoda pakinuŭ Biełaruś, žyŭ u ZŠA. Byŭ žanaty, mieŭ troch dziaciej.
-
Hrodzienski fatohraf pradavaŭ fotasiesii, ale nie rabiŭ ich, a prajhravaŭ usie hrošy ŭ anłajn-kazino. Jon raskazaŭ, jak usio adbyvałasia
-
Łukašenka: Da kanca hetaha hoda my pavinny mieć svaje bojeprypasy da artyleryjskich sistem
-
Urad Cichanoŭskaj pryniaŭ pastanovu «Ab biełaruskim partyzanska-supraciŭnym ruchu»
Kamientary