SBU śćviardžaje, što źniščany abo paškodžany 41 samalot stratehičnaj avijacyi Rasii — padrabiaznaści śpiecapieracyi
Samu apieracyju rychtavali bolš za paŭtara hoda, paviedamlajuć krynicy «Suśpilnie» i «RBK-Ukraina» u SBU.
Sa słoŭ surazmoŭcaŭ, SBU spačatku pierapraviła ŭ Rasiju fpv-drony, a zatym — mabilnyja draŭlanyja domiki. Paźniej na terytoryi Rasii drony byli schavanyja pad dachi chatak, raźmieščanych užo na hruzavych aŭto.
U patrebny momant dachi damoŭ dystancyjna adkryli, a drony palacieli paražać rasijskija bambaviki. U vyniku Ukraina paraziła 41 abjokt.
«Babiel» sa spasyłkaj na krynicy piša, što apieracyju «Pavucina» asabista kantralavaŭ prezident Ukrainy Uładzimir Zialenski, a realizoŭvali kiraŭnik SBU Vasil Maluk i supracoŭniki słužby.
«Krynicy ŭ SBU padkreślivajuć, što ludzi, jakija brali ŭdzieł u hetaj histaryčnaj śpiecapieracyi, užo daŭno znachodziacca va Ukrainie», — piša «RBK-Ukraina».
Z ranicy 1 červienia Ukraina masiravana atakavała rasijskija aeradromy.
Pad ataku trapili aeradrom «Dziahileva» ŭ Razanskaj vobłaści, «Aleńja» ŭ Murmanskaj vobłaści, «Biełaja» ŭ Irkuckaj vobłaści i «Ivanava» ŭ Ivanaŭskaj vobłaści. Usie hetyja abjekty źjaŭlajucca važnymi stratehičnymi bazami dla rasijskaj vajskovaj avijacyi.
«Mis Biełaruś» usio bolš nahadvaje konkurs pryhažości ŭ haremie22
Kamientary
Pra heta buduć pisać u padručnikach!
Dziakuj SBU & HUR!
Dziakuj ZSU!
DZIAKUJ UKRAINA!!!
DZIAKUJ!!!