«U ludziej šok ad danataŭ na vajnu». Supracoŭnik biełaruskaj jurasoby «Lesta» raskazaŭ pra nastroi ŭ kalektyvie
Rasijski sud pryznaŭ kampaniju-vydaŭca papularnaj hulni «Śviet tankaŭ» ekstremisckaj. Paśla ŭ aficyjnych sacsietkach «Lesta hulniaŭ» źjavilisia publikacyi ab padtrymcy Uzbrojenych siłaŭ Rasii. Hetaj ža firmie naležyć jurasoba ŭ Biełarusi — «Hiejm Strym». Jaje supracoŭnik raspavioŭ «Lusterku» pra nastroi ŭ kalektyvie.
Pra naviny ab sudzie suprać kampanii i tym, što «Lesta hulni», a značyć i biełaruski «Hiejm Strym», pierachodziać da rasijskaj dziaržavy Uładzimir i jaho kalehi daviedalisia ź miedyja.
Pa jaho słovach, uvieś čas, pakul ciahnułasia raźbiralnictva, kampanija pracavała ŭ štatnym režymie.
«Nam z samaha pačatku naohuł ničoha nie skazali (abvinavačvańnie ŭ ekstremiźmie źjaviłasia jašče ŭ kancy krasavika — NN). Va ŭnutranym aficyjnym infapoli jak byccam ničoha nie adbyvajecca. Tolki abmierkavańni kaleh pamiž saboj. Nijakaj infarmacyi źvierchu niama, maksimalna štatny režym pracy, vypłaty zarobkaŭ», — padzialiŭsia surazmoŭca.
Pa słovach mužčyny, mierkavańni padzialilisia: chtości dumaje, što ničoha nie źmienicca, chtości rychtuje šlachi adstupleńnia, chtości prosta čakaje. Pryčym akramia naviny ab nacyjanalizacyi šmat pytańniaŭ vyklikajuć i inšyja padrabiaznaści:
«U častki ludziej šok ad padrabiaznaściaŭ danataŭ na vajnu, što stali viadomy. Usie hady lubaja fiča rabiłasia z pazicyi maksimalna niejtralnaj i minimizacyi militaryzmu (nakolki heta mahčyma dla dadzienaha praduktu).
Infarmacyja, što jany danacili esveošnikam, — hańba, cenzurna kažučy. Ujavicie, jak viedać ciapier, što ty staŭ sponsaram hetaha… viadoma, my razumieli, što padatki płaciacca ŭ RF, ale infarmacyja, što paralelna robiać voś takoje, nikoli nie abviaščałasia», — raskazaŭ jon.
3 červienia rasijski sud zanios kampaniju «Lesta hulni» ŭ rejestr ekstremistaŭ Rasinfamanitorynhu, a jurydyčnyja asoby kampanii pastanaviŭ źviernuć u dachod dziaržavy.
Paśla pryznańnia «Lesta hulni» «ekstremisckaj» u Rasii kampanija pačała publikavać pasty z padtrymkaj rasijskaha vojska.
Ciapier čytajuć
Tak vyhladaŭ Alaksandr Łukašenka na Vałaamie FOTY14
Kamientary
Rabotať na RF i dumať, čto nałohi idut na bożjich oduvančikov
"Kakoj ty na fih tankist!"
U russkich, - svoj, socialnyj kontrakt s vłasťju, - ZACHVATNIČIESKAJA VOJNA!, radi VOJNY sohłasny niedojedať, nie rožať, normalno nie žiť, byť niŝimi i niŝimi rabami, iz niŝieho dochoda vydielať dieńhi na VOJNU !
Imiejem zamknutoje kolco, čtoby dieržať vłasť v Rośsii, nado viesti ZACHVATNIČIESKUJU VOJNU, čtoby byť patriotom strany, - NADO PODDIERŽIVAŤ VOJNU, nado rožať radi VOJNY, nado rabotať radi VOJNY, nado donatiť na VOJNU, byť niŝim radi VOJNY, byť rabom radi VOJNY !
ZACHVATNIČIESKAJA VOJNA riešiła vsie problemy, - ubyl nasielenija, płochuju diemohrafiju, płochuju ekonomiku, niŝije dochody, biespravije, biespriedieł vłasti, žizń v biezzakonii.