Izmajłaŭski sud Maskvy prysudziŭ 20-hadovaj hramadziancy Biełarusi Žaśminie Aleksandrovič 6 hadoŭ kałonii za sprobu pradać svaju niadaŭna narodžanuju dačku.
Incydent adbyŭsia 14 lutaha 2025 hoda ŭ Maskvie. Aleksandrovič sustrełasia ŭ kvatery na 3-j Parkavaj vulicy z mužčynam i žančynaj, jakim pradała svaju dačku za 200 tysiač rasijskich rubloŭ (3 tysiačy dalaraŭ). Razam ź dziciem jana pieradała im i piśmovuju admovu ad jaho.
Paźniej vyśvietliłasia, što hetyja ludzi byli supracoŭnikami palicyi, jakija pravodzili apieratyŭnaje mierapryjemstva, piša rtvi.com
Dziaŭčynu zatrymali adrazu paśla pieradačy dziciaci i raśpiski ab atrymańni hrošaj. U internecie jana raźmiaščała abjavu ab prodažy dački, u jakoj havaryłasia: «zabiarycie ŭ mianie dzicia za materyjalnuju ŭdziačnaść».
Pavodle rasijskaha zakanadaŭstva, za takoje złačynstva praduhledžana pakarańnie da 10 hadoŭ pazbaŭleńnia voli.
Śledčy kamitet Rasii ŭ Maskvie ŭziaŭ rasśledavańnie pad asabisty kantrol staršyni SKR Alaksandra Bastrykina.
Dzicia znachodzicca ŭ śpiecyjalizavanaj miedycynskaj ustanovie, i prakuratura Maskvy paviedamlaje, što dalejšaje «žyćcioŭładkavańnie małoj» znachodzicca pad jaje kantrolem.
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary
To byli plotki?