Maładaja ŭkrainskaja akrabatka trahična zahinuła ŭ Tajłandzie, sarvaŭšysia z 15-mietrovaj vyšyni
U Tajłandzie zdaryłasia strašnaja trahiedyja: na vostravie Pchukiet zahinuła ŭkrainskaja akrabatka Vieranika Kobzava — plamieńnica Mikałaja Kobzava, zasnavalnika adnaho z samych viadomych cyrkavych prajektaŭ Ukrainy. Dziaŭčynie było ŭsiaho 28 hadoŭ, piša RBK-Ukraina.
Vieranika zahinuła z-za niaščasnaha vypadku — jana sarvałasia z 15-mietrovaj vyšyni.
«Siońnia praz trahičnuju vypadkovaść zahinuła maja plamieńnica Vieranika Kobzava. Jana abarvałasia z 15-mietrovaj vyšyni. Maładaja, pryhožaja, paśpiachovaja — i takaja biada. Vieranika, zaŭsiody budziem pamiatać. Lublu ciabie. Smutkujem usioj siamjoj», — napisaŭ biznesmien u fejsbuku
Pavodle miascovych ŚMI, trahiedyja adbyłasia ranicaj 31 maja ŭ rajonie Čałonh. Jak paviedamlaje palicyja, Vieranika znachodziłasia na dachu trochpaviarchovaj viły razam ź siabrami i chłopcam.
Padčas prahułki kala basiejna, što na dachu, jana spatyknułasia i ŭpała ŭ vuzkuju prasieku prykładna z 15 mietraŭ. Śviedkami padziei stali jaje siabroŭki — ukrainka Karyna Ziamlankina i tajka Miesińja Kunasanhkam, jakija adrazu vyklikali chutkuju dapamohu. Vieraniku terminova dastavili ŭ balnicu ŭ Čałonhu, adnak lekary kanstatavali śmierć. Pavodle papiarednich danych, pryčynaj stała ciažkaja čerapna-mazhavaja traŭma i inšyja paškodžańni, charakternyja dla padzieńnia ź vialikaj vyšyni.
Palicyja nie vyjaviła prykmiet hvałtoŭnaj śmierci, adnak rasśledavańnie praciahvajecca, a sudmiedekśpierty rychtujuć poŭny analiz abstavinaŭ trahiedyi. Pasolstva Ukrainy ŭ Tajłandzie ŭžo prainfarmavana pra incydent.
Što viadoma pra Vieraniku Kobzavu
Dziaŭčyna ź dziacinstva žyła cyrkam — u 12 hadoŭ jana debiutavała na arenie «Cyrka Kobzoŭ», jaki zasnavaŭ jaje dziadźka. Paźniej jana vystupała ŭ viadučych mižnarodnych kalektyvach, siarod jakich lehiendarny Cirque du Soleil u Kanadzie i niamiecki Circus Roncalli.
Vieranika śpiecyjalizavałasia na pavietranaj akrabatycy — składanym žanry, jaki patrabuje vialikaj fizičnaj padrychtoŭki i śmiełaści. Jana vykonvała truki na vialikaj vyšyni biez strachoŭki, uražvajučy hledačoŭ pa ŭsim śviecie.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ86
Kamientary