Маладая ўкраінская акрабатка трагічна загінула ў Тайландзе, сарваўшыся з 15-метровай вышыні
У Тайландзе здарылася страшная трагедыя: на востраве Пхукет загінула ўкраінская акрабатка Вераніка Кобзава — пляменніца Мікалая Кобзава, заснавальніка аднаго з самых вядомых цыркавых праектаў Украіны. Дзяўчыне было ўсяго 28 гадоў, піша РБК-Украіна.
Вераніка загінула з-за няшчаснага выпадку — яна сарвалася з 15-метровай вышыні.
«Сёння праз трагічную выпадковасць загінула мая пляменніца Вераніка Кобзава. Яна абарвалася з 15-метровай вышыні. Маладая, прыгожая, паспяховая — і такая бяда. Вераніка, заўсёды будзем памятаць. Люблю цябе. Смуткуем усёй сям’ёй», — напісаў бізнэсмен у фэйсбуку
Паводле мясцовых СМІ, трагедыя адбылася раніцай 31 мая ў раёне Чалонг. Як паведамляе паліцыя, Вераніка знаходзілася на даху трохпавярховай вілы разам з сябрамі і хлопцам.
Падчас прагулкі каля басейна, што на даху, яна спатыкнулася і ўпала ў вузкую прасеку прыкладна з 15 метраў. Сведкамі падзеі сталі яе сяброўкі — украінка Карына Зямлянкіна і тайка Месінья Кунасангкам, якія адразу выклікалі хуткую дапамогу. Вераніку тэрмінова даставілі ў бальніцу ў Чалонгу, аднак лекары канстатавалі смерць. Паводле папярэдніх даных, прычынай стала цяжкая чэрапна-мазгавая траўма і іншыя пашкоджанні, характэрныя для падзення з вялікай вышыні.
Паліцыя не выявіла прыкмет гвалтоўнай смерці, аднак расследаванне працягваецца, а судмедэксперты рыхтуюць поўны аналіз абставінаў трагедыі. Пасольства Украіны ў Тайландзе ўжо праінфармавана пра інцыдэнт.
Што вядома пра Вераніку Кобзаву
Дзяўчына з дзяцінства жыла цыркам — у 12 гадоў яна дэбютавала на арэне «Цырка Кобзоў», які заснаваў яе дзядзька. Пазней яна выступала ў вядучых міжнародных калектывах, сярод якіх легендарны Cirque du Soleil у Канадзе і нямецкі Circus Roncalli.
Вераніка спецыялізавалася на паветранай акрабатыцы — складаным жанры, які патрабуе вялікай фізічнай падрыхтоўкі і смеласці. Яна выконвала трукі на вялікай вышыні без страхоўкі, уражваючы гледачоў па ўсім свеце.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос32
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1717
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс17
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары