Украінцаў спыталі, як яны ставяцца да мірнага плана, які будзе ўключаць вывад войскаў з Данбаса

Такія вынікі апытання Кіеўскага міжнароднага інстытута сацыялогіі (КМІС), праведзенага 26 лістапада — 13 снежня, піша «Украінская праўда».

«Расійскі план застаецца катэгарычна непрымальным — 75% украінцаў лічаць яго цалкам непрымальным (столькі ж было ў верасні 2025 года). Толькі 17% украінцаў гатовыя на расійскую версію міру (столькі ж было раней)», — гаворыцца ў даследаванні.

У той жа час 72% украінцаў (сацыёлагі акцэнтуюць, што пераважна без энтузіязму), але гатовыя ўхваліць план Еўропы і Украіны. Толькі 14% катэгарычна адхіляюць яго.

Павялічыць

У КМІС адзначаюць, што ў межах апытання падрыхтавалі дзве скарочаныя версіі «мірнага плана». Адзін з іх быў умоўным планам Еўропы і Украіны, а другі — умоўным планам Расіі. Рэспандэнту выпадкова зачытвалі адзін з двух варыянтаў-планаў, не ўдакладняючы, што гэты план ад Еўропы з Украінай ці ад Расіі.

Умоўны план Еўропы і Украіны:

• Украіна атрымлівае надзейныя гарантыі бяспекі ад Еўропы і ЗША, якія ўключаюць пастаянныя пастаўкі Украіне зброі і грошай у дастатковай колькасці, а таксама закрыццё ўкраінскага неба ад расійскіх атак;
• цяперашняя лінія фронту замарожваецца, Расія захоўвае кантроль над акупаванымі тэрыторыямі, але Украіна і свет афіцыйна гэтага не прызнаюць;
• Украіна рухаецца да ўступлення ў ЕС;
• санкцыі супраць Расіі захоўваюцца да ўсталявання ўстойлівага міру і знікнення пагроз паўторнага нападу з боку Расіі.

Умоўны план Расіі:

• ЗША і Еўропа адмяняюць усе санкцыі супраць Расіі;
• руская мова атрымлівае афіцыйны статус;
• Украіна павінна істотна скараціць армію і абмежаваць узбраенне;
• Украіна назаўсёды адмаўляецца ад членства ў НАТА, а Захад не можа больш пастаўляць зброю Украіне;
• Расія мае права вызначаць, якімі будуць гарантыі бяспекі для Украіны, і будзе адной з краін-гарантаў бяспекі Украіны;
• Украіна выводзіць войскі з часткі Данецкай вобласці, якую зараз кантралюе, гэта значыць з Краматорска, Славянска і іншых гарадоў;
• Украіна афіцыйна прызнае Крым, Данецкую і Луганскую вобласці часткай Расіі і назаўсёды адмаўляецца ад іх;
• Расія захоўвае кантроль над акупаванымі часткамі Херсонскай і Запарожскай абласцей.

Даследаванне праводзілася з 26 лістапада па 13 снежня. Метадам тэлефонных інтэрв'ю на аснове выпадковай выбаркі мабільных нумароў апыталі 547 рэспандэнтаў ва ўзросце ад 18 гадоў, якія пражываюць на тэрыторыі Украіны, кантраляванай урадам Украіны. 

• 6
• 0
• 2
• 3
• 0
• 1
• 3
• 1