Vyjezd vyzvalenych palitviaźniaŭ z Ukrainy adbudziecca ŭ bližejšyja dni
Pytańnie vyjezdu z Ukrainy ŭ krainy ES vyzvalenych biełaruskich palitviaźniaŭ pakul nie vyrašanaje z-za adsutnaści dakumientaŭ i składanaściaŭ z łahistykaj. Adnak situacyja pačynaje prajaśniacca. Pra heta «Lusterku» paviedamiŭ dypłamatyčny daradca Śviatłany Cichanoŭskaj Dzianis Kučynski.
Pavodle słoŭ Kučynskaha, ciapier idzie aktyŭnaja praca pa ŭzhadnieńni detalaŭ vyjezdu. U praces uciahnutyja pradstaŭniki niekalkich krain.
— Pierš za ŭsio my kaardynujem dziejańni pamiž ukrainskim, amierykanskim, polskim i litoŭskim bakami pa arhanizacyi tranśfieru našych hierojaŭ z Ukrainy. Čakajecca, što jon adbudziecca ŭ bližejšyja dni. Užo siońnia pavinna źjavicca bolš jasnaści nakont detalaŭ i łahistyki, — paviedamiŭ daradca.
Jon taksama adznačyŭ, što dapamohu hatovyja akazać i inšyja jeŭrapiejskija dziaržavy.
— My na suviazi z Hiermanijaj, Čechijaj, inšymi jeŭrapiejskimi krainami, jakija papiarednie hatovyja akazać dapamohu. Siońnia ŭ Vilni ja praviadu bryfinh dla pasłoŭ NB8 (krainy Paŭnočnaj Jeŭropy i Bałtyi) i Ispanii, a taksama paprašu ab padtrymcy dla vyzvalenych palitviaźniaŭ, — dadaŭ Kučynski.
Jon padkreśliŭ, što praca viadziecca amal kruhłasutačna.
— Ja znachodžusia ŭ pastajannym kantakcie ź jeŭrapiejskimi i amierykanskimi kalehami. Niepasredna na miescy va Ukrainie vialikuju pracu pravodziać kiraŭnica misii demsił u Kijevie Śviatłana Šacilina i pradstaŭnik Abjadnanaha pierachodnaha kabinieta pa nacyjanalnaj abaronie Vadzim Kabančuk. Pradstaŭnica pa sacyjalnych pytańniach Volha Zazulinskaja sumiesna z pravaabaroncami kaardynuje łahistyku pa pryjomie ludziej u Litvie i Polščy, — raskazaŭ jon.
Kučynski padziakavaŭ partnioram ź ES za hatoŭnaść dapamahčy, asabliva adznačyŭšy Polšču i Litvu, a taksama Ukrainu, jakaja pryniała biełaruskich palitviaźniaŭ i zabiaśpiečyła im usie nieabchodnyja ŭmovy.
U niadzielu, 14 śniežnia, kiraŭnica misii biełaruskich demsił u Kijevie Śviatłana Šacilina paviedamiła, što idzie praces uzhadnieńnia śpisaŭ i pracedur vyjezdu z ukrainskim bokam. Jana taksama adznačała, što adsutnaść pašpartoŭ u mnohich vyzvalenych nie ŭpłyvaje na ich ciapierašni status va Ukrainie.
13 śniežnia na volu vyjšli 123 palitviaźni, u tym liku znakavyja fihury pratestu — Maryna Zołatava, Maryja Kaleśnikava, Viktar Babaryka, Aleś Bialacki, Maksim Znak. Bolšaść ź ich — 109 čałaviek — byli vyviezienyja va Ukrainu.
-
Iranka adkryła ŭ Minsku art-kafe. Tam pradajuć rečy ručnoj raboty i padajuć kapučyna z šafranam
-
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
-
Biełarus z prablemami ź psichikaj staŭ u Rasii naminalnym dyrektaram. A jak sprava nakryłasia, zabrali na front — u adzin kaniec
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary