U Paryžy na aŭkcyjonie pradali za rekordnuju sumu šablu Napaleona z ružovaha zołata
U Francyi na aŭkcyjonie pradali załatuju šablu, jakaja naležała Napaleonu Banapartu, za 4,7 miljona jeŭra — heta rekordnaja suma dla pradmietaŭ napaleonaŭskaha ŭzbrajeńnia.
Pieršapačatkova šablu aceńvali prykładna ŭ 700 tysiač — 1 miljon jeŭra, ale ŭ vyniku jana była pradadziena za značna bolšuju sumu.
Jak paviedamlaje Le Figaro, šabla była vyrablena z ružovaha zołata ŭ tureckim styli — z ručkaj, upryhožanaj reljefnymi malunkami na mifałahičnyja temy. U toj čas u Francyi byli modnymi ŭschodnija ŭpłyvy.
Napaleon zakazaŭ hetuju zbroju, kali byŭ jašče Pieršym konsułam Francuzskaj Respubliki (prykładna ŭ 1802—1803 hadach). Paźniej jon padaryŭ šablu svajmu nabližanamu — maršału Emanuelu de Hrušy. Z tych časoŭ jana zachoŭvałasia ŭ siamji maršała.
Pradmiety, što naležali Napaleonu, časta traplajuć na aŭkcyjony ŭ Francyi. Raniej pradavalisia jahonyja pistalety, šlapa i asobnik Hramadzianskaha kodeksa, ale šabla značna pieraŭzyšła ich pa canie.
Čamadanava raskazała, što kateharyčna nielha abmiarkoŭvać na kuchniach14
Čamadanava raskazała, što kateharyčna nielha abmiarkoŭvać na kuchniach
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary