У Парыжы на аўкцыёне прадалі за рэкордную суму шаблю Напалеона з ружовага золата
У Францыі на аўкцыёне прадалі залатую шаблю, якая належала Напалеону Банапарту, за 4,7 мільёна еўра — гэта рэкордная сума для прадметаў напалеонаўскага ўзбраення.
Першапачаткова шаблю ацэньвалі прыкладна ў 700 тысяч — 1 мільён еўра, але ў выніку яна была прададзена за значна большую суму.
Як паведамляе Le Figaro, шабля была выраблена з ружовага золата ў турэцкім стылі — з ручкай, упрыгожанай рэльефнымі малюнкамі на міфалагічныя тэмы. У той час у Францыі былі моднымі ўсходнія ўплывы.
Напалеон заказаў гэтую зброю, калі быў яшчэ Першым консулам Французскай Рэспублікі (прыкладна ў 1802—1803 гадах). Пазней ён падарыў шаблю свайму набліжанаму — маршалу Эмануэлю дэ Грушы. З тых часоў яна захоўвалася ў сям’і маршала.
Прадметы, што належалі Напалеону, часта трапляюць на аўкцыёны ў Францыі. Раней прадаваліся ягоныя пісталеты, шляпа і асобнік Грамадзянскага кодэкса, але шабля значна пераўзышла іх па цане.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары