Ministr unutranych spraŭ Litvy vykazaŭsia za techničnaje ŭzmacnieńnie miažy ź Biełaruśsiu
Uładzisłaŭ Kandratovič kaža, što ŭžo ciapier nieabchodna zadumacca ab abnaŭleńni techničnaha abstalavańnia na miažy ź Biełaruśsiu i Rasijaj, paviedamlaje LRT.
«My bačym, što sapraŭdy nieabchodna inviestavać u abstalavańnie, u tym liku ŭ abstalavańnie dla nazirańnia. Na žal, sistemy majuć ułaścivaść z časam stareć. Nam treba pačać padrychtoŭku da abnaŭleńnia ŭsich sistem užo siońnia», — zajaviŭ ministr žurnalistam u paniadziełak padčas vizitu na miažu ź Biełaruśsiu razam z kamisaram Jeŭrapiejskaj kamisii pa ŭnutranych spravach i mihracyi Mahnusam Brunieram.
Pavodle jaho słoŭ, nieabchodna taksama abstalavać padjezdnyja šlachi da dziaržaŭnaj miažy.
«Jak my bačym, apieratyŭnaje reahavańnie dazvalaje svoječasova abaraniać našu miažu i strymlivać nielehalnych mihrantaŭ, jakich vykarystoŭvajuć jak zbroju suprać našaj krainy, ad pierasiačeńnia našaj miažy», — skazaŭ ministr.
Pavodle jaho słoŭ, nielha zabyvać i pra padrychtoŭku pamiežnikaŭ. Kandratovič vykazaŭ nadzieju, što Jeŭrasajuz (ES) vydzielić srodki na zabieśpiačeńnie biaśpieki miežaŭ.
«Kali b była takaja mahčymaść prafinansavać hetyja prajekty, heta było b sapraŭdy dobra», — skazaŭ jon.
Kandratavič zaklikaŭ Jeŭrakamisiju ŭličvać finansavyja patreby pamiežnych krain ES, takich, jak Litva, źviazanyja z umacavańniem biaśpieki źniešnich miežaŭ i krytyčnaj infrastruktury, padčas pieramovaŭ ab budučym šmathadovym biudžecie Supolnaści.
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy8
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1010
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?10
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2929
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama29
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2828
Kamientary